جموں//
جموںکشمیر کے ضلع رام بن کے پہاڑی علاقے میں ہفتے کے روز تین افراد کی لاشیں پُر اسرار حالت میں برآمد کی گئیں ۔
سرکاری ذرائع نے بتایا کہ رام بن کے دور دراز گاؤں بلہوت میں ایک ہی کنبے سے وابستہ تین افراد کو مردہ پایا گیا۔انہوں نے بتایا کہ اطلاع ملتے ہی پولیس ٹیم جائے موقع پر پہنچ گئی اور تینوں افراد کی لاشوں کو تحویل میں لے کر تحقیقات شروع کی ۔
متوفین میں چین سنگھ ، اُن کی اہلیہ اور ایک بیٹی شامل ہیں۔
ذرائع نے بتایا کہ چین سنگھ کی دوسری بیٹی کو بے ہوشی کی حالت میں ہسپتال پہنچایا گیا جہاں پر اُس کا علاج ومعالجہ جاری ہے ۔
پولیس ذرائع کے مطابق ایک ہی کنبے سے وابستہ تین افراد کی موت کیسے واقع ہوئی اس سلسلے میں کیس درج کرکے مزید تحقیقات شروع کی گئی جبکہ آس پاس رہائش پذیر لوگوں سے بھی پوچھ تاچھ کا سلسلہ جاری ہے ۔