ضلع ڈوڈہ میں زلزلے کے جھٹکے ، کوئی جانی یا مالی نقصان نہیں

جموں//
جموں کشمیر کے ضلع ڈوڈہ میں جمعرات کی دوپہر کو زلزلے کے ہلکے جھٹکے محسوس کئے گئے تاہم کسی جانی یا مالی نقصان کی کوئی اطلاع نہیں ہے ۔
ریکٹر اسکیل پر اس زلزلے کی شدت۲ء۳ ریکارڈ ہوئی ہے جبکہ زمین کے اندر اس کی گہرائی۱۰کلو میٹر تھی۔
نیشنل سینٹر فار سیسمالوجی کے مطابق ڈوڈہ میں جمعرات کو۱۲بجکر ۴منٹ پر زلزلے کے جھٹکے محسوس کئے گئے ۔
سینٹر کے مطابق ریکٹر اسکیل پر اس زلزلے کی شدت۲ء۳ریکارڈ کی گئی جبکہ زمین کے اندر اس کی گہرائی۱۰کلو میٹر تھی۔
قبل ازیں صوبہ جموں کے ہی ضلع کشتواڑ میں ۹جنوری کو زلزلے کے جھٹکے محسوس کئے گئے تھے جس کی شدت۶ء۳ریکارڈ ہوئی تھی۔
واضح رہے کہ جموں و کشمیر زلزلیاتی پیمانے پر سب سے زیادہ خطرناک پانچ اور چار زون میں آتے ہیں۔