جموں/۱۳جنوری
مرکزی وزیر داخلہ امیت شاہ جمعے کی دوپہر کو جموں پہنچے جہاں سے وہ ہیلی کاپٹر کے ذریعے راجوری روانہ ہوگئے۔
جموں وکشمیر کے لیفٹیننٹ گورنر منوج سنہا نے جموں پہنچنے پر موصوف مرکزی وزیر داخلہ کا استقبال کیا۔
سرکاری ذرائع نے بتایا کہ امیت شاہ جموں سے ہیلی کاپٹر کے ذریعے راجوری روانہ ہوں گے جہاں وہ ڈانگری گا¶ں میں یکم جنوری کو جنگجو¶ں کے حملے میں جان بحق اور زخمی ہونے والے شہریوں کے اہلخانہ سے ملاقات کریں گے ۔
وزیر داخلہ جموں میں سیکورٹی صورتحال کا جائزہ لینے کے لئے ایک اعلیٰ سطحی میٹنگ میں کرسکتے ہیں جس میں پولیس ، فوج ، سیول انتظامیہ اور سراغ رساں ایجنسیوں کے آفیسران بھی شرکت کریں گے ۔
جموں وکشمیر کے پولیس سربراہ دلباغ سنگھ اور اے ڈی جی پی جموں مکیش سنگھ جمعرات کو ہی راجوری پہنچے ہیں۔
دریں اثنا مرکزی وزیرداخلہ امیت شاہ کے دورہ جموں وکشمیر کے پیش نظر سیکورٹی کے مثالی انتظامات کئے گئے ہیں۔
جموں پٹھان کوٹ شاہراہ پر فورسز کی اضافی نفری تعینات کردی گئی ہے جبکہ راجوری ضلع کو چاروں اطراف سے سیکورٹی حصار میں لے لیا گیا ہے۔انہوں نے کہا کہ ڈانگری راجوری کے اردگرد علاقوں خاص طورپر ایل او سی پر نگرانی کا کام کاج فوج ، پولیس اور پیرا ملٹری فورسز انجام دے رہے ہیں۔
اُن کا کہنا تھا کہ وزیر داخلہ کے جموں دورے کے پیش نظر تمام سیکورٹی ایجنسیاں ہائی الرٹ پر ہیں۔
برف باری کے باعث سری نگر ہوائی اڈے پر پروازیں معطل
سرینگر/۱۳جنوری
وادی کشمیر میں تازہ برف باری کے بیچ سری نگر ہوائی اڈے پر کم روشنی کے باعث جمعے کی صبح تمام پروازوں کو معطل کر دیا گیا۔
ائر پورٹ ذرائع نے بتایا کہ سری نگر میں جاری برف باری اور کم روشنی کے پیش نظر سری نگر بین الاقوامی ہوائی اڈاے پر جمعے کی صبح تمام پروازوں کو معطل کر دیا گیا۔
بتادیں کہ وادی کشمیر میں سری نگر سمیت جمعے کی صبح سے ہی رک رک کر برف باری کا سلسلہ جاری ہے ۔
محکمہ موسمیات کے مطابق وادی کے میدانی علاقوں میں جمعے کی سہہ پہر کے بعد موسم میں بتدریج بہتری واقع ہونے کا امکان ہے اور بعد ازاں 14 سے 18 جنوری تک موسم خشک رہنے کی توقع ہے ۔
دریں اثنا وادی کشمیر کو ملک کے باقی حصوں کے ساتھ جوڑنے والی سری نگر- جموں قومی شاہراہ پر جمعے کے روز برف باری اور چٹانیں کھسک آنے کی وجہ سے ٹریفک کی نقل و حمل روک دی گئی۔
جنوبی کشمیر کے ضلع شوپیاں کو صوبہ جموں کے پونچھ کے ساتھ جوڑنے والا تاریخی مغل روڈ اور سری نگر- لیہہ قومی شاہراہ پر پہلے ہی ٹریفک کی نقل و حمل کو بند کر دیا گیا ہے
