سرینگر/۳۰ دسمبر
حکومت نے جمعہ کو جموں کے سول سیکرٹریٹ میں۲۸ دسمبر کو پیش آنے والے آتشزدگی کے واقعہ کی جانچ کا حکم دیا ہے۔
ایک سرکاری حکم کا حوالہ دیتے ہوئے ایک مقامی خبر رساں ایجنسی نے اطلاع دی کہ حکومت کے پرنسپل سکریٹری آلوک کمار‘ اسٹیٹ ڈپارٹمنٹ کو آتشزدگی کے واقعہ کی انکوائری کے لیے انکوائری افسر مقرر کیا گیا ہے اور ان سے کہا گیا ہے کہ وہ سات دن کی مدت میں جنرل ایڈمنسٹریشن ڈیپارٹمنٹ کو رپورٹ پیش کریں۔
انکوائری افسر سے کہا گیا ہے کہ وہ ’’واضح طور پر آگ لگنے‘آگ پر قابو پانے/بجھانے میں تاخیر کی وجہ کی وجہ کا تعین کرے‘ ‘۔
افسر کو یہ بھی واضح طور پر قائم کرنے کا کام سونپا گیا ہے کہ آیا عمارت کا فائر سیفٹی آڈٹ ۲۱ مئی ۲۰۲۲ کو حکومتی حکم کے مطابق کیا گیا تھا، یا دوسری صورت میں اس سے یہ بھی معلوم کرنے کو کہا گیا ہے کہ آیا احاطے میں موجود آگ بجھانے کا سامان ’کام کرنے کی حالت‘ میں تھا۔
آرڈر میں مزید کہا گیا ’’انکوائری آفیسر آگ پر بروقت قابو پانے کے لیے مختلف سطحوں پر ردعمل کو فعال کرنے میں ناکامی کی ذمہ داری طے کرے گا۔‘‘