سری نگر جموں شاہراہ پرحادثہ

سرینگر/۳۰دسمبر
سرینگر جموں شہراہ پر زگ پوسٹ کے نزدیک نجی گاڑی ڈرائیور کے قابو سے باہر ہو کر گہری کھائی میں جاگری جس کے نتیجے میں غیر مقامی خاتون کی برسر موقع ہی موت واقع ہوئی جبکہ سات دیگر زخمی ہوئے ۔
سرکاری ذرائع نے بتایا کہ جمعے کے روز سرینگر جموں شاہراہ پر گوٹی گنڈ ویری ناگ کے نزدیک ایک زائلو گاڑی لڑھک کر گہری کھائی میں جاگری ۔انہوں نے بتایا کہ حادثے کی اطلاع ملتے ہی پولیس اور مقامی لوگ جائے موقع پر پہنچے اور زخمیوں کو طبی امداد کی خاطر نزدیکی ہسپتال منتقل کیا تاہم ڈاکٹروں نے خاتون کو مردہ قرار دیا۔
متوفی خاتون کی شناخت شیبا عراقی ساکن اُتر پردیش کے بطور ہوئی ہے ۔معلوم ہوا ہے کہ زخمیوں میں سے کئی ایک کی حالت تشویشناک بنی ہوئی ہے ۔
دریں اثنا پولیس نے معاملے کی نسبت کیس درج کرکے مزید تحقیقات شروع کی ۔
اس دوران شمالی ضلع بارہ مولہ کے کنزر ٹنگمرگ علاقے میں جمعے کی شام کو ایک تویرا گاڑی نے راہگیر کو ٹکر ماری جس وجہ سے اُس کی برسر موقع ہی موت واقع ہوئی۔
سرکاری ذرائع نے بتایاکہ کنزر ٹنگمرگ میں تویرا نے راہگیر کو زور دار ٹکر ماری جس وجہ سے وہ شدید طورپر زخمی ہوا۔انہوں نے بتایا کہ آس پاس موجود لوگوں نے زخمی نوجوان کو ہسپتال پہنچایا تاہم وہاں پر تعینات ڈاکٹروں نے اُس سے مردہ قرار دیا۔
متوفی کی شناخت توصیف احمد خان ولد غلام احمد خان ساکن تر ہامہ کنزر کے بطور ہوئی ہے ۔
پولیس نے ڈرائیور کو حراست میں لے کر تحقیقات شروع کی ۔