بانہال میں ایک ہی کنبے کے چار افراد کو پر اسرار حالت میں مردہ پایا گیا

جموں//
جموںکشمیر کے ضلع رام بن کے بانہال علاقے میں بدھ کی صبح ایک ہی کنبے کے چار افراد کو اپنے مکان میں پر اسرار حالت مردہ پایا گیا۔ متوفین میں ماں‘اس کی دو بیٹیاں اور ایک بیٹا شامل ہے ۔
سرکاری ذرائع نے بتایا کہ بانہال کے چک نرواہ علاقے میں بدھ کی صبح ایک ہی کنبے کے چار افراد کو اپنے ہی مکان میں مردہ پایا گیا۔
ذرائع نے کہا کہ ان افراد کی موت واقع ہونے کی وجوہات معلوم کی جا رہی ہیں اور لاشوں کو طبی و قانونی لوازمات کی ادائیگی کیلئے ہسپتال منتقل کیا گیا ہے ۔
متوفین کی شناخت۳۵سالہ نور جہان زوجہ عبدالرشید‘ اس کا بیٹا۱۲سالہ ظفر احمد‘ بیٹیاں۸سالہ شازیہ بانو اور۵سالہ آسیہ بانو کے بطور ہوئی ہے ۔پولیس نے اس سلسلے میں کارروائیاں شروع کی ہیں۔