پونچھ میںسرحد عبور کرنے کی کوشش کے دوران ایک ہی کنبے کے چھ افراد گرفتار:پولیس

جموں//
جموںکشمیر کے ضلع پونچھ میں سرحد عبور کرنے کی کوشش کے دوران ایک شہری کو پورے خاندان سمیت گرفتار کیا گیا۔
سرکاری ذرائع نے بتایا کہ منگل کے روز چکندا باغ پونچھ میں ظفر اقبال ولد خادم حسین ساکن گوہلد مینڈھر کو اُس وقت گرفتار کیا جب وہ کنبے سمیت سرحد عبور کرنے کی کوشش کر رہا تھا۔
ذرائع نے بتایا کہ گرفتا رشخص کا کہنا ہے کہ چاچا کے ساتھ اراضی تنازع کے باعث اُس نے سرحد عبور کرنے کا فیصلہ کیا ۔
معلوم ہواہے کہ پولیس نے ایک ہی کنبے کے چھ افراد جن میں تین خواتین ، دو بچے اور ایک مرد شامل ہیں کو حراست میں لے کر سلاخوں کے پیچھے دھکیل دیا۔
پولیس ذرائع نے گرفتاریوں کی تصدیق کرتے ہوئے بتایا کہ اس سلسلے میں تحقیقات کا دائرہ مزید وسیع کیا گیا۔