جموں/21نومبر
جموں وکشمیر کے سرمائی دارلخلافہ جموں میں کشمیری پنڈت ملازمین نے اپنی مانگوں کو لے کر ریلیف کمشنر آفس کے حاطے میں دھرنا دیا۔
مظاہرین مطالبہ کر رہے ہیں کہ اُنہیں کشمیر سے ٹرانسفر کیا جائے ۔
یو این آئی اردو کے نامہ نگار نے بتایا کہ پیر کے روز ریلیف کمشنر آفس جموں میں کشمیری پنڈت ملازمین نے احتجاجی مظاہرئے کئے ۔
مظاہرین نے سرکار سے مطالبہ کیا کہ اُنہیں جلدازجلد جموں میں ٹرانسفر کیا جائے کیونکہ کشمیر میں حالات ابھی بھی پوری طرح سے معمول پر نہیں آئے ہیں۔
نامہ نگاروں سے بات چیت کے دوران احتجاجی ملازمین نے کہاکہ کشمیری میں ٹارگیٹ کلنگ کا سلسلہ جاری ہے ایسے حالات میں کشمیر جانا خطرے سے خالی نہیں۔
انہوں نے بتایا کہ حالات پوری طرح سے معمول پر آنے کے بعد وہ کشمیر جانے کے لئے تیار ہیں ۔
اُن کے مطابق سرکار کو چاہئے کہ وہ کشمیری پنڈت ملازمین کو جموں میں ہی تعینات کرے ۔
انہوں نے مزید بتایا کہ کشمیری پنڈت ملازمین نے ہمیشہ اپنے فرائض خوش اسلوبی کے ساتھ انجام دئے تاہم ٹارگیٹ کلنگ کے پے در پے واقعات رونما ہونے کے بعد اب وہ کشمیر جانا نہیں چاہتے ہیں۔
انہوں نے ایل جی انتظامیہ سے مطالبہ کیا کہ کشمیری پنڈت ملازمین کے حق میں فوری طورپر ٹرانسفر پالیسی کو لاگو کیا جائے
