جموں//
جموںکشمیر کے سانبہ ضلع میں جموں پٹھان کوٹ شاہراہ پربدھ کی سہ پہر کو دو بسوں کے درمیان ہوئی ٹکر میں جس وجہ سے تین یاتریوں کی برسر موقع ہی موت واقع ہوئی جبکہ ڈیڑھ درجن کے قریب زخمی ہوئے ہیں۔
اطلاعات کے مطابق جموں کے سانبہ ضلع میں جموں پٹھان کوٹ شاہراہ پر دو بسوں کے درمیان شدید ٹکر کے باعث متعدد یاتری زخمی ہوئے۔
معلوم ہوا ہے کہ حادثے میں۲۴کے قریب افراد زخمی ہوئے جنہیں علاج ومعالجہ کی خاطر نزدیکی ہسپتال منتقل کیا گیا تاہم ڈاکٹروں نے تین یاتریوں کو مردہ قرار دیا۔
ذرائع نے بتایا کہ حادثے میں زخمی ہوئے کئی یاتریوں کی حالت نازک بنی ہوئی ہے۔
پولیس کے ایک سینئر عہدیدار نے یو این آئی اردو کو بتایا کہ سانبہ حادثے میں تین افراد کی موت واقع ہوئی جبکہ ایک درجن سے زائد یاتری زخمی ہوئے ہیں۔انہوں نے بتایا کہ حادثے کی اطلاع ملتے ہی پولیس نے بچاؤ کارروائی شروع کی گئی ہے۔
اس دوران دریں اثنا چناب میں کل شام تین دیگر افراد کے ساتھ ڈوب کر ہلاک ہونے والے ایک شخص کی لاش کو ریسکیو اہلکاروں کی بھرپور کوششوں کے بعد آج دریا سے نکال لیا گیا۔
ڈوڈہ ضلع کے کرارا پریم نگر کے قریب کل شام سڑک سے پھسل کر تیز بہنے والے پانی میں گرنے سے چار افراد ڈوب گئے تھے۔
ایک پولیس افسر نے ایک مقامی خبر رساں ایجنسی کو بتایا کہ جب کہ تین نوجوان ابھی تک لاپتہ ہیں‘ پر ڈوڈہ کے آدت کوتوال ولد راکیش کوتوال کی لاش برآمد ہوئی ہے۔انہوں نے کہا کہ خراب موسم کے باوجود لاپتہ نوجوانوں کی تلاش کے لیے بڑے پیمانے پر ریسکیو آپریشن جاری ہے۔افسر نے کہا کہ اندھیرے کی وجہ سے ریسکیو آپریشن روک دیا گیا ہے اور کل صبح دوبارہ شروع کیا جائے گا۔
پولیس افسرنے کہا’’ہم نے کشتیاں کام پر لگائیں اور لاپتہ افراد کا سراغ لگانے کے لیے تمام کوششیں بروئے کار لائی گئیں۔ اب تک ہم ایک لاش کے ساتھ گاڑی کو باہر نکالنے میں کامیاب رہے ہیں۔‘‘
لاپتہ ہونے والے تین نوجوانوں کی شناخت روہن منگوترا ولد سادھو رام ساکن نیاڈنگری، سرجیت سنگھ ولد دھرم سنگھ ساکنہ جودھ پور اور وشال چندیل ولد جگدیش شیوا سوہندا کے طور پر ہوئی ہے۔