نئی دہلی/۹نومبر
جسٹس ڈی وائی۔ چندر چوڑ نے بدھ کو ہندوستان کے 50ویں چیف جسٹس کے طور پر حلف لیا۔ صدر دروپدی مرمو نے راشٹرپتی بھون میں سینئر جج کو چیف جسٹس کے عہدے کا حلف دلایا۔
17 اکتوبر کو صدر مرمو نے سپریم کورٹ کے سینئر جج جسٹس چندر چوڑ کو چیف جسٹس مقرر کیا۔
جسٹس ڈی وائی چندرچوڑ (دھننجے یشونت چندرچوڑ) 11 نومبر 1959 کو پیدا ہوئے ۔ وہ 10 نومبر 2024 کو سپریم کورٹ کے جج کے عہدے کے لیے مقررہ 65 سال کی عمر میں ریٹائر ہو جائیں گے ۔
اس وقت کے چیف جسٹس آف انڈیا یو یو للت نے 11 اکتوبر کو مرکزی حکومت سے جسٹس چندر چوڑ کو اپنا جانشین بنانے کی سفارش کی تھی۔
سپریم کورٹ کی روایت کے مطابق عام حالات میں سینئر ترین جج کو چیف جسٹس بنانے کی روایت رہی ہے ۔ جسٹس چندر چوڑ اس سلسلے میں جسٹس للت کے بعد آتے ہیں۔
جسٹس للت نے 27 اگست 2022 کو ہندوستان کے 49ویں چیف جسٹس کے طور پر حلف لیا۔ وہ چیف جسٹس کے طور پر 74 دن کی مختصر مدت ملازمت کے بعد 8 نومبر 2022 کو 65 سال کی عمر میں ریٹائر ہوئے ۔
جسٹس ڈی وائی چندر چوڑ کے والد جسٹس وائی وی چندرچوڑ سب سے طویل مدت تک – تقریباً سات سال اور چار ماہ تک ہندوستان کے چیف جسٹس رہے ۔
جسٹس وائی وی چندرچوڑ 22 فروری 1978 سے 11 جولائی 1985 تک چیف جسٹس رہے ۔
چیف جسٹس ڈی وائی چندرچوڑ نے دہلی یونیورسٹی سے ایل ایل بی مکمل کرنے کے بعد امریکہ کے ہارورڈ لا اسکول سے ایل ایل ایم کی ڈگری اور فارنسک سائنس میں ڈاکٹریٹ (ایس جے ڈی) حاصل کرنے کے بعد بمبئی ہائی کورٹ اور سپریم کورٹ میں پریکٹس کی۔
جسٹس چندر چوڑ کو 13 مئی 2016 کو سپریم کورٹ کا جج مقرر کیا گیا تھا۔ اس سے پہلے ، وہ 29 مارچ 2000 سے الہ آباد ہائی کورٹ کے چیف جسٹس (31 اکتوبر 2013) کے طور پر اپنی تقرری تک بمبئی ہائی کورٹ کے جج تھے ۔
انہوں نے سینٹ اسٹیفن کالج، دہلی یونیورسٹی سے معاشیات میں آنرز کے ساتھ گریجویشن اور کیمپس لاءسینٹر (یونیورسٹی آف دہلی) سے ایل ایل بی کی پڑھائی مکمل کی۔
انہیں 13 مئی 2016 کو سپریم کورٹ کا جج مقرر کیا گیا تھا۔ اس سے پہلے وہ 31 اکتوبر 2013 سے سپریم کورٹ میں اپنی تقرری تک الہ آباد ہائی کورٹ کے چیف جسٹس بھی رہے ۔
ڈاکٹر چندر چوڑ کو ایڈوکیٹ سے ترقی دی گئی اور 29 مارچ 2000 کو بمبئی ہائی کورٹ کے جج کے طور پر مقرر کیا گیا۔انہوں نے سال 1998 سے 2000 تک ہندوستان کے ایڈیشنل سالیسٹر جنرل کے طور پر بھی خدمات انجام دیں۔ جون 1998 میں انہیں بمبئی ہائی کورٹ نے سینئر وکیل کے طور پر نامزد کیا تھا۔
جسٹس چندرچوڑ نے امریکہ میں ممبئی یونیورسٹی اور اوکلاہوما یونیورسٹی اسکول آف لاءمیں تقابلی آئینی قانون کے وزٹنگ پروفیسر کے طور پر بھی خدمات انجام دیں۔
