سرینگر/۲نومبر
فوج نے جموں وکشمیر کے دراس علاقے کے نزدیک واقع زوجیلا وار میموریل پر زوجیلا ڈے منایا۔
یہ دن زوجیلا کی برفیلی چوٹیوں پر سال1948 میں بھارتی فوج کی کارروائیوں کی یاد میں منایا جاتا ہے ۔
سرینگر نشین ایک دفاعی ترجمان نے اپنے ایک بیان میں کہا کہ اس موقعہ پر فائر اینڈ فیوری کور لیہہ کے کمانڈر نے میموریل پر پھولا مالا چڑھائی اور ان جوانوں کو یاد کیا گیا جنہوں نے زوجیلا پاس کو پاکستانی حملہ آوروں سے آزاد کرکے قربانیاں پیش کیں۔
بیان میں کہا گیا کہ زوجیلا ڈے بھارتی فوجیوں کی بہادری کا مظہر ہے اور یہ جنگ اس لئے بھی تاریخی حیثیت کا حامل ہے کیونکہ اس دن پہلی بار اتنی بلندی پر ٹینک استعمال کی گئی۔
بیان کے مطابق موصوف کمانڈر نے اس موقعے پر وہاں تعینات فوجی جوانوں کے ساتھ بات چیت بھی کی۔
قابل ذکر ہے کہ دراس سائبیریا کے بعد دنیا کا سرد ترین علاقہ ہے ۔