سرینگر میںنابالغ لڑکی کو جنسی زیادتی کا شکار بنانے والا گرفتار:پولیس

سرینگر//
جموں کشمیر پولیس نے پیر کو سرینگر میں متعدد چھاپوں کے بعد عصمت دری کے ایک ملزم کو گرفتار کرنے کا دعویٰ کیا اور کہا کہ ملزم کو کل عدالت میں پیش کیا جائے گا۔
پولیس کے ایک ترجمان نے کہا کہ تھانہ صدر کو ایک خاتون کی جانب سے شکایت موصول ہوئی کہ اس کی نابالغ بیٹی کو ایک ملزم شاہد احمد، ولد شبیر احمد بھٹ ساکنہ گلوان پورہ حیدر پورہ نے جنسی زیادتی کا نشانہ بنایا ہے۔
ترجمان کے مطابق’’اس سلسلے میں،پاکسو ایکٹ کی دفعہ۳/۴ کے تحت ایف آئی آر نمبر۱۰۳/۲۲؍ اور آئی پی سی کی۳۶۳‘۳۷۶‘اور۵۰۶ کے تحت صدر پولیس اسٹیشن میں مقدمہ درج کیا گیا تھا اور تحقیقات کو آگے بڑھایا گیا تھا۔
ترجمان کے مطابق’’ سخت کوششوں اور متعدد چھاپوں کے بعد ایس پی ساؤتھ لکشیا شرما کی نگرانی میں ایس ایچ او صدر، انسپکٹر مدثر نذر کی سربراہی میں ایک خصوصی ٹیم کے ذریعہ ملزم کو ایک گھنٹے کے اندر گرفتار کیا گیا‘‘۔
ترجمان کامزید کہا ہے’’معاملے میں مزید تفتیش جاری ہے۔ ملزم کو کل مزید پولیس ریمانڈ کے لیے عدالت میں پیش کیا جائے گا۔‘‘