حالیہ ہلاکتوںکے بعدشوپیاں میں سیکورٹی بندوبست سخت

سرینگر//
جموںکشمیر کے پہاڑی ضلع شوپیاں میں دو غیر مقامی مزدوروں کی ہلاکت کے بعد ضلع بھر میں سیکورٹی بندوبست کو مزید سخت کردیا گیا ہے ۔
معلوم ہوا ہے کہ سرگرم ملی ٹینٹوں اور اُن کے مدد گاروں کی تلاش دوسرے روز بھی جاری رہی۔
بتادیں کہ جنو بی ضلع شوپیاں میں گزشتہ رات بندوق برداروں نے غیر مقامی مزدوروں پر گرینیڈ سے حملہ کیا جس کے نتیجے میں دو کی برسر موقع ہی موت واقع ہوئی ۔
اطلاعات کے مطابق جنوبی ضلع شوپیاں میں سرگرم ملی ٹینٹوں اور اُن کے مدد گاروں کے خلاف شروع کیا گیا آپریشن بدھ کو دوسرے دن بھی جاری رہا۔
شوپیاں ضلع میں سیکورٹی بندوبست کو مزید سخت کردیا گیا ہے ، اہم اور حساس مقامات پر سیکورٹی فورسز نے ناکے لگا دئے ہیں اور وہاں مشکوک نظر آنے والی مسافر بردار گاڑیوں ، موٹر سائیکلوں اور آٹو رکشا وغیرہ کو روکا جاتا ہے اور اُن کی تلاشی لی جارہی ہیں۔
سرگرم ملی ٹینٹوں اور ان کے مددگاروں کے خلاف آپریشنز میں تیزی لائی گئی ہیں۔ملی ٹینٹ معاونین کو بڑے پیمانے پر تلاش کیا جارہا ہے تاکہ جنگجووں کے منصوبوں کو پوری طرح سے ناکام بنایا جاسکے ۔