جموں میں اک جٹ جموں کا ٹارگیٹ ہلاکتوں کے خلاف احتجاج

جموں/19 اکتوبر
اک جٹ جموں کی یوتھ اکائی نے بدھ کے روز یہاں کشمیر میں ہونے والی ٹارگیٹ ہلاکتوں کے خلاف احتجاج درج کیا۔
احتجاجی پاکستان کے خلاف جم کر نعرہ بازی کر رہے تھے اور انہوں پاکستان کا پتلہ بھی نذر آتش کر دیا۔
اس موقع پر ایک احتجاجی نے میڈیا کے ساتھ بات کرتے ہوئے کہا کہ کشمیر میں پچھلے تین دنوں کے دوران تین ٹارگیٹ ہلاکتیں ہوئیں۔
انہوں نے کہا”سرکار ایک طرف کہتی ہے کہ کشمیر میں ملی ٹنسی ختم ہو رہی ہے اور دو سو جنگجو¶ں کو مارا گیا جبکہ دوسری طرف ٹارگیٹ ہلاکتوں کا سلسلہ جاری ہے “۔
ان کا الزام تھا کہ حکومت جموں اور ملک کے لوگوں کو گمراہ کر رہی ہے ۔
احتجاجی نے کہا کہ سرکار اس ضمن میں کار گر اقدام نہیں اٹھا رہی ہے ۔انہوں نے کہا کہ ٹارگیٹ ہلاکتوں کو کسی بھی صورت میں ہم بر داشت نہیں کریں گے ۔