جسٹس ڈی وائی چندر چوڑ ملک کے۵۰ویں چیف جسٹس مقرر

نئی دہلی//
صدر جمہوریہ‘ دروپدی مرمو نے سپریم کورٹ کے سینئر ترین جج جسٹس ڈی وائی چندر چوڑ کو اگلاسی جے آئی مقرر کیا ہے ۔
مرکزی وزارت قانون و انصاف کے محکمہ قانون نے جسٹس چندر چوڑ کی تقرری سے متعلق پیر کو ایک نوٹیفکیشن جاری کیا۔
نوٹیفکیشن کے مطابق، صدر جمہوریہ نے آئین ہند کے آرٹیکل۱۲۴کی شق(۲)کے ذریعے عطا کردہ اختیارات کا استعمال کرتے ہوئے ، سپریم کورٹ کے جج (ڈاکٹر) جسٹس دھننجے یشونت چندرچوڑکو۹نومبر۲۰۲۲سے ہندوستان کا چیف جسٹس مقررکیا ہے ۔
موجودہ چیف جسٹس آف انڈیا یو۔ یو للت نے۱۱؍اکتوبر کومرکزی حکومت سے جسٹس چندر چوڑ کو اپنا جانشین بنانے کی سفارش کی تھی۔
جسٹس چندر چوڑ ہندوستان کے۰۵ویں چیف جسٹس ہوں گے ۔ وہ اگلے ماہ کی۹تاریخ کو حلف لیں گے اور۱۰نومبر ۲۰۲۴کو ریٹائر ہو جائیں گے ۔
سپریم کورٹ کی روایت کے مطابق عام حالات میں سینئر ترین جج کو چیف جسٹس بنانے کی روایت رہی ہے ۔ جسٹس چندر چوڑ اس سلسلے میں جسٹس للت کے بعد آتے ہیں۔
جسٹس للت نے۲۷؍اگست ۲۰۲۲کو ہندوستان کے۴۹ویں چیف جسٹس کے طور پر حلف لیا۔ وہ۷۴دنوں کی اپنی مختصر مدت کارکے بعد۸نومبر۲۰۲۲کو ریٹائر ہونے والے ہیں۔
جسٹس للت کو ۷؍اکتوبر اپنے جانشین کے نام کی سفارش کے تعلق سے رائے دینے کیلئے مرکزی وزارت قانون و انصاف کی طرف سے ایک خط بھیجا گیا تھا۔