خطاب کے دوران اذان…شاہ خاموش ہو گئے

بارہمولہ//
مرکزی وزیر داخلہ‘ امیت شاہ نے بارہمولہ میں ریلی کے دوران اپنے خطاب کو اذان کیلئے بیچ میں ہی روک دیا اور اذان کے اختتام کے بعد دوبارہ خطاب شروع کیا۔
بتادیں کہ وزیر داخلہ بدھ کے روز شمالی کشمیر کے ضلع بارہمولہ میں ایک عوامی ریلی سے خطاب کر رہے تھے ۔
امت شاہ جب خطاب کر رہے تھے تو اس دوران ایک نزدیکی مسجد سے اذان دی گئی تو انہوں نے خاموشی اختیار کی۔بعد میں جب اذان اختتام پذیر ہوئی تو انہوں نے اپنا خطاب دوبارہ شروع کیا۔
قابل ذکر ہے کہ وزیر داخلہ جموں وکشمیر کے اپنے تین روزہ دورے پر تھے ۔
شاہ نے اپنے دورے کے آخری دن بدھ کو سرینگر میں ایک اعلیٰ سطحی سیکورٹی میٹنگ کی صدارت کی اور اس کے بعد شمالی کشمیر کے ضلع بارہمولہ میں ایک عظیم الشان عوامی جلسے سے خطاب بھی کیا۔
وہ بدھ کی سہہ پہر کو واپس دلی روانہ ہوگئے ۔