ہندوستان اور پولینڈ تجارت دوگنی کریں گے، دفاع، آفات کے انتظام اور دہشت گردی کے خلاف کارروائی پر بھی اہم اعلانات

نئی دہلی، 22 اکتوبر (یواین آئی) ہندوستان اور پولینڈ نے 2030 تک دوطرفہ تجارت کو دوگنا کرنے کا ہدف مقرر کرنے کے ساتھ ہی دفاع، آفات کے انتظام اور دہشت گردی سے نمٹنے کے لیے اہم اعلانات کیے ہیں۔
وزارتِ خارجہ نے جمعرات کو بتایا کہ ہندوستان کے دورے پر آئے پولینڈ کے وزیرِ اعظم ڈونالڈ ٹسک اور وزیرِ اعظم نریندر مودی کے درمیان یہاں دوطرفہ بات چیت ہوئی۔
اس بات چیت کے دوران دونوں ممالک نے اپنی اسٹریٹجک شراکت داری کو مزید مضبوط بنانے کے لیے کئی فیصلے کیے۔ اس موقع پر تجارت، دفاع، آفات کے انتظام اور دہشت گردی کے خلاف کارروائی سے متعلق چار اہم اعلانات کیے گئے۔
ان اعلانات کے تحت پولینڈ آفات سے محفوظ بنیادی ڈھانچے کے لیے اتحاد (سی ڈی آر آئی) میں شامل ہوگا۔ دونوں ممالک نے دفاعی صنعت سے متعلق مذاکراتی نظام قائم کرنے اور دہشت گردی کے خلاف کارروائی کے موضوع پر بات چیت کرنے پر بھی اتفاق کیا ہے۔ دونوں ممالک کی کمپنیاں مل کر عالمی سطح پر قابلِ اعتماد سپلائی چین تیار کریں گی اور 2030 تک دوطرفہ تجارت کو دوگنا کرنے کے مشترکہ ہدف کو پورا کرنے کے لیے کام کریں گی۔
پولینڈ کے وزیرِ اعظم جمعہ تک ہندوستان کے دورے پر رہیں گے۔