سرینگر؍۳۱؍اگست
وسطی کشمیر کے ضلع بڈگام کے چاڈورہ علاقے کے واتھورہ میں پیر کے روز ٹرک کی زد میں آکر۱۷سالہ لڑکا جاں بحق ہو گیا۔
حکام کے مطابق نوجوان وٹھ وورا میں ٹرک کی زد میں آکر شدید زخمی ہو گیا تھا، جسے فوری طور پر علاج کے لیے سب ڈسٹرکٹ اسپتال (ایس ڈی ایچ) چاڈورہ منتقل کیا گیا۔
انہوں نے بتایا کہ اسپتال پہنچنے پر ڈاکٹروں نے اسے مردہ قرار دے دیا۔
متوفی کی شناخت محمد فہیم تیلی(۱۷)ولد مشتاق احمد تیلی، ساکن وٹھ وورا، چاڈورہ کے طور پر ہوئی ہے۔
پولیس نے واقعے کا نوٹس لیتے ہوئے تحقیقات شروع کر دی ہے۔
۔۔۔۔۔۔۔
ایجنساں
