جونٹی سدھو کی شاندار سنچری، سینٹرل دلّی کنگز فائنل میں

نئی دہلی، 29 اگست (یو این آئی) کپتان جونٹی سدھو کی شاندار آل راؤنڈ کارکردگی کی بدولت سینٹرل دہلی کنگز نے کوالیفائر-2 میں پرانی دلّی 6 کو 72 رنز سے شکست دے کر دلّی پریمیئر لیگ (ڈی پی ایل) 2026 کے فائنل میں جگہ بنا لی۔
ارون جیٹلی اسٹیڈیم میں کھیلے گئے میچ میں سدھو نے 46 گیندوں پر ناٹ آوٹ 106 رنز کی جارحانہ اننگز کھیلی اور بعد میں 25 رنز دے کر تین وکٹیں بھی حاصل کیں۔ آدتیہ بھنڈاری نے بھی 12 گیندوں پر تیز رفتار 24 رنز بنا کر ٹیم کا بھرپور ساتھ دیا۔
ہدف کے تعاقب میں پرانی دلّی 6 کی ٹیم دباؤ میں بکھر گئی اور 146 رنز پر آل آؤٹ ہوگئی۔ منی گریوال نے 27 رنز دے کر دو جبکہ تیجس بروکا نے 19 رنز کے عوض دو وکٹیں حاصل کیں۔
سینٹرل دلّی کنگز اب اتوار کو ڈی پی ایل 2026 کے گرینڈ فائنل میں ساؤتھ دہلی سپر اسٹارز کا مقابلہ کرے گی۔