یوکرینی ڈراونز نے روسی علاقے ثمارا میں ایک صنعتی تنصیب اور اوزون گودام کو نشانہ بنایا

ماسکو،22 اگست (یو این آئی) علاقائی گورنر نے ہفتہ کو کہا کہ یوکرینی ڈراونز نے ثمارا علاقے میں روسی آن لائن ریٹیلر اوزون کے ایک صنعتی ادارے اور ایک گودام کو نشانہ بنایا۔
گورنر ویاچیسلاو فیڈورِشیف نے ٹیلیگرام پر کہا کہ رات بھر کے حملوں میں کئی افراد زخمی ہوئے۔
فیڈورِشیف نے صنعتی ادارے کی شناخت ظاہر نہیں کی۔ سمارا علاقہ متعدد تیل کی ریفائنریز کا گھر ہے جنہیں بارہا یوکرین نے نشانہ بنایا ہے۔
اوزون نے ٹیلیگرام پر جاری ایک بیان میں کہا کہ چاپایفسک قصبے میں اس کے لاجسٹکس سینٹر کی کارروائیاں اس حملے کے بعد معطل کر دی گئی ہیں، جس میں زخمی ہونے کی اطلاع دی گئی ہے۔
یہ حملہ اوزون کے کسی مرکز پر رپورٹ ہونے والا پہلا حملہ تھا، جو اس کے بڑے حریف وائلڈ بیریز کو نشانہ بنانے والے ہفتوں کے بعد ہوا۔
یوکرین نے روسی اقتصادی ڈھانچے پر حملوں کو ماسکو کی فوجی کارروائیوں کی معاونت کرنے والی تنصّیبات کے خلاف ایک وسیع مہم کا حصہ قرار دیا ہے۔
روسی وزارت دفاع نے ہفتہ کو کہا کہ اس کی افواج نے رات بھر 457 یوکرینی ڈرونز مار گرائے۔
یہ تازہ حملے ایسے وقت میں ہوئے جب تنازعہ کے دوران یوکرینی ڈراون حملے روسی علاقوں اور بنیادی ڈھانچے پر جاری ہیں۔
دوران ِ جنگ روس اور یوکرین نے محاذِ جنگ سے کافی فاصلے پر توانائی اور صنعتی تنصیبات کو بارہا نشانہ بنایا ہے۔