شمالی چین میں آتشزدگی، 8 افراد ہلاک، 3 زخمی

بیجنگ، 20 اگست (یو این آئی) سرکاری میڈیا کے مطابق، چین کے صوبے ہیبی کے ایک تجارتی مرکز میں لگنے والی آگ کے نتیجے میں کم از کم آٹھ افراد ہلاک اور تین زخمی ہو گئے ہیں۔
شنہوا نیوز ایجنسی نے ضلعی حکومت کے حوالے سے بتایا ہے کہ یہ آگ چن ہوانگ داؤ شہر کے ہائی گانگ ضلع میں واقع ایک مرکز کی زمینی منزل پر صبح سویرے لگی۔
فائر بریگیڈ، پولیس، ایمرجنسی مینجمنٹ اور طبی ٹیمیں فوری طور پر جائے وقوعہ پر پہنچ گئیں۔
آگ پر ایک گھنٹے سے بھی کم وقت میں قابو پا لیا گیا۔
زخمیوں کو ہسپتال منتقل کر دیا گیا ہے اور ان کی حالت خطرے سے باہر بتائی جاتی ہے۔
آگ لگنے کی وجوہات جاننے کے لیے تحقیقات جاری ہیں۔