وکٹر لائی نے لوہ کین یو کو ہرا کر بی ڈبلیو ایف ورلڈ چیمپئن شپ کے کوارٹر فائنل میں جگہ بنالی

نئی دہلی، 20 اگست (یو این آئی) کینیڈا کے وکٹر لائی نے جمعرات کو بی ڈبلیو ایف ورلڈ چیمپئن شپ 2026 میں سنگاپور کے لوہ کین یو کو 22-20، 21-18 سے شکست دے کر کوارٹر فائنل میں جگہ بنالی۔
لوہ نے پہلے گیم میں سست آغاز کیا اور لائی نے 11-5 کی برتری حاصل کرلی، لیکن سنگاپور کے کھلاڑی نے اگلے 12 میں سے 11 پوائنٹس جیت کر مقابلے کا رخ بدل دیا۔ تاہم پورے ہفتے کھلاڑیوں کے لیے مشکل کا سبب بننے والی تیز ہواؤں نے دونوں کھلاڑیوں کے کھیل پر اثر ڈالا اور لائی نے اسکور 18-18 سے برابر کردیا۔
لوہ نے لائن کال پر ویڈیو چیلنج بھی ضائع کیا، جس کے بعد 62 شاٹس پر مشتمل طویل ریلی میں لائی نے سبقت حاصل کرکے گیم پوائنٹ حاصل کیا۔ لوہ نے دو گیم پوائنٹس بچائے، لیکن 2021 کے ورلڈ چیمپئن کی دو غلطیوں کا فائدہ اٹھاتے ہوئے لائی نے پہلا گیم 22-20 سے جیت لیا۔
دوسرے گیم میں بھی لائی نے برتری برقرار رکھی اور 21-18 سے کامیابی حاصل کرکے کوارٹر فائنل میں جگہ پکی کرلی۔