قومی کھیل ایوارڈز 2025 کا اعلان، کوئی کھیل رتن ایوارڈ نہیں دیا گیا،17 کھلاڑی ارجن ایوارڈ کے لیے منتخب

نئی دہلی، 19 اگست (یواین آئی) نوجوانوں کے امور اور کھیلوں کی وزارت نے قومی کھیل ایوارڈز 2025 کا اعلان کردیا ہے۔ اس سال کسی کھلاڑی کو کھیل رتن ایوارڈ نہیں دیا گیا، جبکہ 17 کھلاڑیوں کو ’کھیلوں اور مقابلوں میں بہترین کارکردگی کے لیے ارجن ایوارڈ‘ سے نوازا جائے گا۔
منتخب کمیٹی کی سفارشات کی بنیاد پر مختلف زمروں میں کھلاڑیوں، کوچز اور اداروں کو قومی کھیل ایوارڈز دینے کا فیصلہ کیا گیا ہے۔ کمیٹی کی صدارت سپریم کورٹ کے سابق جج جسٹس (ریٹائرڈ) ارون کمار مشرا نے کی۔
ارجن ایوارڈ 2025
ارجن ایوارڈ گزشتہ چار برسوں کے دوران کھیلوں میں بہترین کارکردگی، قیادت، کھیل کے جذبے اور نظم و ضبط کے اعتراف میں دیا جاتا ہے۔ اس سال ایوارڈ حاصل کرنے والے 17 کھلاڑیوں میں:
تیجسویِن شنکر، محمد اجمل وی، پرینکا گوسوامی، ترشا جولی، پی وی گایتری گوپی چند، نریندر، ودت سنتوش گجراتی، دویہ جتیندر دیشمکھ، دھنش سری کانت، لالریمسیامی، راج کمار پال، سرجیت، پوجا، رودرانش کھنڈیلوال، ایکتا بھائیاں، اروند سنگھ اور اکھل شیوران شامل ہیں۔