سچن چماریا نے قاہرہ ورلڈ بوکیا چیلنجر میں سلور اور برونز میڈل جیتے

نئی دہلی، 19اگست (یواین آئی) ہندستانی پیرا ایتھلیٹ سچن چماریا نے قاہرہ 2026 ورلڈ بوکیا چیلنجر میں بی سی3 پیئرز ایونٹ میں سلور اور بی سی3 انڈیویجول ایونٹ میں برونز میڈل جیتا ہے۔ مضبوط بین الاقوامی کھلاڑیوں کے درمیان کھیلتے ہوئے، سچن نے پیئرز ایونٹ میں سریتا دویویدی کے ساتھ جوڑی بنائی۔ یہ ٹورنامنٹ آفیشل ورلڈ بوکیا رینکنگ سرکٹ کا حصہ ہے اور اس میں ایتھلیٹس ورلڈ رینکنگ پوائنٹس کے لیے مقابلہ کرتے ہیں۔
یہ نتائج بین الاقوامی بوکیا میں سچن کے بڑھتے ہوئے ریکارڈ میں مزید اضافہ کرتے ہیں۔ وہ ابھی بی سی3 کیٹیگری میں ورلڈ نمبر 20 پر ہیں اور چھ بار نیشنل بوکیا چیمپئن رہ چکے ہیں۔ 2021 میں اپنے مقابلے کے آغاز (ڈیبیو) کے بعد سے، انہوں نے کئی بڑے بین الاقوامی مقابلوں میں ہندستان کی نمائندگی کی ہے۔
قاہرہ سچن کے بین الاقوامی سفر کا ایک اہم حصہ بھی رہا ہے۔ 2024 میں، وہ اسی شہر میں ورلڈ بوکیا چیلنجر میں بین الاقوامی سلور میڈل جیتنے والے پہلے ہندستانی مرد بی سی3 کھلاڑی بنے۔ اسی سال بعد میں، بحرین میں ورلڈ بوکیا چیلنجر میں بی سی3 انڈیویجول ٹائٹل جیت کر وہ طلائی تمغہ جیتنے والے پہلے ہندستانی مرد بی سی3 کھلاڑی بنے۔
اپنے شاندار مظاہرے پر بات کرتے ہوئے، بین الاقوامی پیرا ایتھلیٹ، کاروباری اور معذور افراد کے شمولیت کے حامی سچن چماریا نے کہا، "ہر بار جب میں ہندستان کی جرسی پہنتا ہوں، تو میں ان تمام لوگوں کی امیدوں کو ساتھ لے کر چلتا ہوں جنہوں نے اس سفر میں مجھ پر بھروسہ کیا ہے۔ میں بوکیا اسپورٹس فیڈریشن آف انڈیا کے چیئرمین، پریذیڈنٹ، جنرل سکریٹری اور پوری ٹیم کا بہت شکر گزار ہوں کہ انہوں نے مجھے ہندستان کی نمائندگی کرنے کا موقع دیا اور میری صلاحیتوں پر بھروسہ ظاہر کیا۔ قاہرہ، مصر میں برونز اور سلور میڈل جیتنا بہت خاص ہے، لیکن اس سے بھی زیادہ اہم یہ دیکھنا ہے کہ ہندستانی بوکیا مسلسل آگے بڑھ رہا ہے۔ مجھے امید ہے کہ یہ کارکردگی معذور ایتھلیٹس کو اس کھیل کو اپنانے کے لیے حوصلہ افزائی کرے گی اور ہندستان میں بوکیا کے لیے زیادہ بیداری اور مواقع پیدا کرنے میں مدد