چین میں جُجھار سنگھ نے ایشیا اوشیانا رِنک ہاکی کلب چیمپئن شپ میں طلائی تمغہ جیت لیا

چنڈی گڑھ، 19 اگست (یواین آئی) چنڈی گڑھ پولیس کے انسپکٹر اور اینٹی نارکوٹکس ٹاسک فورس کے تھانہ انچارج ہرمندر جیت سنگھ کے بیٹے جُجھار سنگھ نے چین میں منعقدہ ایشیا اوشیانا رِنک ہاکی کلب چیمپئن شپ 2026 میں طلائی تمغہ جیت کر چنڈی گڑھ کا نام روشن کیا۔ ججھار آسٹریلیا کے میلبورن میں واقع مورڈیالوک رولر ہاکی کلب کی جانب سے کھیل رہے تھے۔
ججھار نے ٹورنامنٹ میں شاندار کارکردگی کا مظاہرہ کرتے ہوئے اپنی ٹیم کے لیے 11 گول کیے، جس کی بدولت کلب نے چیمپئن شپ کا خطاب اپنے نام کیا۔ وہ اس سے قبل بھی آسٹریلیا کی نمائندگی کرتے ہوئے دو طلائی تمغے جیت چکے ہیں۔
چین میں کامیابی کے بعد ججھار کی ٹیم نے آئندہ عالمی کلب چیمپئن شپ کے لیے بھی کوالیفائی کرلیا ہے، جو اسپین میں منعقد ہوگی۔ ججھار وہاں بھی اپنی ٹیم کی جانب سے کھیلیں گے