انڈیگو نے یومِ آزادی پر بکنگ پر 20 فیصد تک رعایت کا اعلان کیا

نئی دہلی، 13 اگست (یواین آئی) مسافروں کی تعداد کے لحاظ سے ملک کی سب سے بڑی فضائی کمپنی انڈیگو نے اس بار یومِ آزادی کے موقع پر ’ہیپی انڈیپنڈنس ڈے سیل‘ کا اعلان کیا ہے۔
ایئرلائن نے جمعرات کو جاری ایک پریس ریلیز میں بتایا کہ اس کے تحت صارفین کو ملکی اور بین الاقوامی نیٹ ورک پر سفر کے لیے ٹکٹ بک کراتے وقت بنیادی کرایے میں 20 فیصد تک رعایت ملے گی۔ یہ پیشکش 13 سے 16 اگست کے درمیان نان اسٹاپ پروازوں کے لیے کی جانے والی بکنگ پر لاگو ہوگی۔ سفر 16 اگست سے 31 اکتوبر 2026 کے درمیان کیا جا سکے گا۔
اس پیشکش سے فائدہ اٹھانے کے لیے صارفین کو سفر سے کم از کم تین دن پہلے بکنگ کرانی ہوگی اور بکنگ کے دوران پرومو کوڈ ’’INDIGO80‘‘ استعمال کرنا ہوگا۔ بکنگ انڈیگو کی ویب سائٹ، موبائل ایپ، اے آئی سے چلنے والے اسسٹنٹ 6ESky یا منتخب ٹریول پارٹنرز کی ویب سائٹس اور ایپس کے ذریعے کی جا سکتی ہے۔
رعایتی کرائے کے علاوہ صارفین کئی دیگر اضافی مصنوعات اور خدمات پر بھی پرکشش رعایت حاصل کر سکتے ہیں۔ ان میں 6E Eats، Fast Forward اور 6E Seats پر 20 فیصد تک کی رعایت شامل ہے۔ اس کے علاوہ Fare Hold کی قیمت 20 روپے سے شروع ہوگی، جبکہ IndiGo Upfront Upgrade 999 روپے سے دستیاب ہوگا۔ Fare Hold اور Upfront کی پیشکشیں صرف انڈیگو کے براہِ راست ذرائع سے کی گئی بکنگ پر دستیاب ہوں گی۔
اس سیل کے تحت IndiGo BluChip کے اراکین انڈیگو کے براہِ راست ذرائع سے کی جانے والی IndiGo Stretch بکنگ پر زیادہ سے زیادہ 20,000 IndiGo BluChips حاصل کر سکتے ہیں۔ یہ سہولت 24 اگست سے 30 ستمبر 2026 کے درمیان کے سفر کے لیے دستیاب ہوگی۔