ریکھا گپتا نے کانوڑ سیوا کیمپوں کا کیا معائنہ

نئی دہلی، 08 اگست (یو این آئی) دہلی کی وزیر اعلیٰ ریکھا گپتا نے ہفتے کے روز دہلی-اتر پردیش سرحد پر واقع کانوڑ سیوا کیمپوں کا دورہ کر کے شیو بھکتوں کا استقبال کیا۔
محترمہ ریکھا گپتا نے اس دوران کانوڑ یاترا میں شامل عقیدت مندوں سے بات چیت کر کے ان کے سفر اور سہولیات سے متعلق انتظامات کا جائزہ لیا۔ انہوں نے خدمت کے کام میں مصروف کیمپ منتظمین اور کارکنوں سے گفتگو کی اور ان کے جذبۂ خدمت کی سراہنا کی۔ وزیر اعلیٰ نے شیو بھکتوں کی ضروریات اور کیمپوں میں کیے گئے انتظامات کے بارے میں حکام سے بھی معلومات حاصل کیں۔
انہوں نے کہا کہ دہلی حکومت ہر شیو بھکت کی کانوڑ یاترا کو آسان اور محفوظ بنانے کے لیے پرعزم ہے۔ انہوں نے کہا کہ سفر کے دوران عقیدت مندوں کو کسی بھی قسم کی تکلیف نہ ہو، اس کے لیے حکومت کی جانب سے ضروری انتظامات پر مسلسل نظر رکھی جا رہی ہے۔ انہوں نے سیوا کیمپوں میں عقیدت مندوں کے لیے کیے گئے انتظامات کو بہتر طریقے سے جاری رکھنے پر بھی زور دیا۔
اس موقع پر دہلی حکومت کے کابینی وزیر کپل مشرا، ایم ایل اے سنجے گوئل، جتیندر مہاجن سمیت بڑی تعداد میں شیو بھکت اور کانوڑ سیوا میں مصروف کارکنان موجود تھے۔