طلبہ کے معاملے میں راہل کہیں بولتے ہیں، تو کہیں خاموش رہتے ہیں، ملک ان کا دوہررمعیار دیکھ رہا ہے: روی شنکر

نئی دہلی، 06 اگست (یو این آئی) بھارتیہ جنتا پارٹی (بی جے پی) کے رکنِ پارلیمنٹ روی شنکر پرساد نے جھارکھنڈ لوک سیوا آیوگ (جے پی ایس سی) اور جھارکھنڈ اسٹاف سلیکشن کمیشن (جے ایس ایس سی) کے امتحانات کے تعلق سے جھارکھنڈ حکومت اور کانگریس رہنما راہل گاندھی پر شدید حملہ بولتے ہوئے کہا کہ وہ طالب علموں کے معاملے پر کہیں بولتے ہیں تو کہیں خاموش رہ جاتے ہیں، ملک ان کا (مسٹر گاندھی کا) دوہرامعیار دیکھ رہا ہے۔
مسٹر پرساد نے جمعرات کے روز پارلیمنٹ ہاؤس کے احاطے میں صحافیوں سے بات چیت کے دوران الزام لگایا کہ جھارکھنڈ حکومت نے امتحانات منعقد کرانے کی ذمہ داری ایک ایسی کمپنی کو دی ہے جو اتر پردیش اور راجستھان میں ممنوع ہے۔ انہوں نے مسٹر گاندھی کو نشانہ بناتے ہوئے کہا کہ وہ نوجوانوں سے بات چیت کرنے کے لیے مختلف مقامات پر جاتے ہیں، لیکن جھارکھنڈ میں ہونے والی مبینہ دھاندلی اور کرپشن پر کچھ نہیں بولتے، کیونکہ وہاں ان کی پارٹی کی حمایت سے حکومت چل رہی ہے۔
انہوں نے کہا، "مسٹر گاندھی ریاکار ہیں۔ ان کا دوہرا معیار ہے۔ کہیں وہ آواز اٹھاتے ہیں تو کہیں خاموش۔ ملک یہ سب دیکھ رہا ہے۔”