ایجنسیاں
ڈوڈہ؍ یکم جولائی
ضلع ڈوڈہ کے بھلیسہ علاقے کے کلال گیسر میں بدھ کے روز شدید بارش کے نتیجے میں دو مقامات پر بادل پھٹنے کے واقعات پیش آئے، جس کے باعث اچانک سیلاب آ گیا اور ملبے کے بڑے بڑے تودے بہہ آنے سے متعدد سڑکیں بند ہو گئیں۔ حکام نے یہ اطلاع دی۔
ایک سرکاری عہدیدار نے بتایا کہ مسلسل شدید بارش کے باعث انتظامیہ صورتحال پر گہری نظر رکھے ہوئے ہے، کیونکہ مزید لینڈ سلائیڈنگ اور سڑکوں کی بندش کا خدشہ برقرار ہے۔
اچانک آنے والے سیلاب کے ساتھ بڑی مقدار میں ملبہ بھی بہہ آیا، جس کے نتیجے میں بھلیسہ کے متعدد دیہات کا زمینی رابطہ منقطع ہو گیا۔ حکام کے مطابق موسم بہتر ہوتے ہی سڑکوں کی بحالی کا کام شروع کیا جائے گا۔
دریں اثنا، ضلعی انتظامیہ نے لوگوں کو مشورہ دیا ہے کہ حساس علاقوں میں غیر ضروری سفر سے گریز کریں اور سڑکوں کی آمدورفت بحال ہونے تک سرکاری ہدایات پر سختی سے عمل کریں۔
