جموں؍۳۰ جون
جموں و کشمیر کے ضلع رام بن میں جموں،سرینگر قومی شاہراہ پر ٹرک اور ٹریکٹر کے درمیان ہونے والے تصادم میں دو افراد ہلاک جبکہ ایک خاتون سمیت دو دیگر زخمی ہو گئے۔ پولیس نے منگل کو یہ جانکاری دی۔
پولیس کے مطابق یہ حادثہ پیر کی دیر رات پیرہ علاقے میں نیو کھجوریا ڈھابہ کے قریب اس وقت پیش آیا جب جموں سے سری نگر کی جانب جا رہا ایک ٹرک ٹریکٹر سے ٹکرا گیا۔
حادثے میں ایک نامعلوم شخص موقع پر ہی جاں بحق ہوگیا، جبکہ تین افراد زخمی ہوئے جنہیں فوری طور پر ضلع اسپتال رام بن منتقل کیا گیا۔ زخمیوں میں شامل راجستھان کے رہائشی نورنگ لال کے بیٹے سباش نے دورانِ علاج دم توڑ دیا۔
ایس ایچ او چندرکوٹ جتیندر سنگھ راکوال نے بتایا کہ اطلاع ملتے ہی پولیس کی ایک ٹیم فوری طور پر جائے وقوعہ پر پہنچی اور امدادی کارروائیاں شروع کیں۔ بعد ازاں ٹریفک کی روانی بحال کرنے کے لیے حادثہ زدہ گاڑیوں کو شاہراہ سے ہٹا دیا گیا۔
پولیس کے مطابق دوسرے جاں بحق شخص کی شناخت تاحال نہیں ہو سکی ہے۔چندرکوٹ پولیس اسٹیشن میں اس سلسلے میں مقدمہ درج کر لیا گیا ہے اور مزید
