فیفا نے ورلڈ کپ کے 1000ویں میچ کے لیے استوان کوواکس کو ریفری مقرر کر دیا

میکسیکو سٹی، 19 جون (یو این آئی): عالمی فٹبال تنظیم فیفا نے اعلان کیا ہے کہ رومانیہ کے ریفری استوان کوواکس کو فیفا ورلڈ کپ کی تاریخ کے 1000ویں میچ میں ریفری کے فرائض انجام دینے کے لیے منتخب کیا گیا ہے۔
فیفا کے مطابق کوواکس ہفتہ کو مونٹیری اسٹیڈیم میں تیونس اور جاپان کے درمیان گروپ ایف کے میچ میں ریفری ہوں گے۔
کوواکس کی معاونت کے لیے کوسٹا ریکا کے خوان کالڈیرون اور خوان کارلوس مورا اسسٹنٹ ریفری کے فرائض انجام دیں گے، جبکہ دیگر آفیشلز بھی مقرر کیے گئے ہیں۔
فیفا کے چیف ریفری آفیسر اور ریفریز کمیٹی کے چیئرمین پیئرلوئیجی کولینا نے کہا کہ کوواکس کا انتخاب خصوصی موقع کی وجہ سے نہیں بلکہ ان کی صلاحیت اور کارکردگی کی بنیاد پر کیا گیا ہے۔
انہوں نے کہا، "ہم نے اس میچ کے لیے بہترین ریفری کا انتخاب کیا ہے اور اتفاق سے انہیں ورلڈ کپ کے 1000ویں میچ کی ذمہ داری بھی ملی ہے۔ یہ ان کے لیے ایک خاص اعزاز ہے، کیونکہ فیفا ورلڈ کپ میں ریفری کے فرائض انجام دینا ہمیشہ باعثِ فخر ہوتا ہے۔”
41 سالہ استوان کوواکس 2022 کے قطر ورلڈ کپ میں بھی آفیشلز کے پینل کا بھی حصہ تھے۔