راجوری؍۱۶جون
جموں و کشمیر کے ضلع راجوری میں لائن آف کنٹرول (ایل او سی) کے نزدیک ایک حادثاتی بارودی سرنگ دھماکے میں ایک جونیئر کمیشنڈ آفیسر (جے سی او) سمیت چار فوجی اہلکار زخمی ہوگئے۔
سرکاری ذرائع کے مطابق یہ دھماکہ نوشہرہ سیکٹر کے اگلے علاقے کالال میں فوج کی علاقے پر نگرانی (ایریا ڈومینیشن) گشت کے دوران بارودی سرنگ کے اچانک متحرک ہونے سے پیش آیا۔
دھماکے میں ایک جے سی او اور تین فوجی زخمی ہوئے جنہیں فوری طور پر علاج کے لیے اسپتال منتقل کر دیا گیا۔
حکام کا کہنا ہے کہ دراندازی روکنے کی مہم کے تحت سرحدی علاقوں میں بڑی تعداد میں بارودی سرنگیں نصب کی گئی ہیں۔ بعض اوقات بارشوں کے باعث یہ سرنگیں اپنی جگہ سے ہٹ جاتی ہیں، جس کے نتیجے میں اس نوعیت کے حادثات پیش آتے ہیں۔
