اونٹ رے اونٹ تیری کون سی کل سیدھی …. ہمیں یقین ہے کہ آپ سمجھ گئے ہوں گے کہ…. کہ ہم کس کی بات کرنے والے ہیں…. جی ہاں ہم اپنے ہمسایہ ملک پاکستان کی بات کررہے ہیں…. اُس پاکستان کی جس کی اللہ میاں کی قسم کوئی کل سیدھی نہیں ہے…. بالکل بھی نہیں ہے…. کبھی کبھی ہم سوچتے ہیں کہ اگر پاکستان نا ہی ہو تا تو…. تو کیا ہوتا…. یقینا ًوہ سب کچھ نہیں ہو تا جو اس ملک میں ہو تا ہے…. اور اس ملک میں یہ ہوتا ہے کہ وہاںکچھ بھی ڈھنگ سے نہیں ہو تا ہے…. کچھ بھی نہیں ۔اور اللہ میاں کی قسم جو اس ملک میں ہو تا ہے وہ کہیں اور نہیں ہوتا ہے…. بالکل بھی نہیں ہو تا ہے….اس ملک کا کوئی بھی شعبہ لیجئے ‘کوئی بھی ادارہ لیجئے وہاں کچھ ایسا ہو تا ہے جو کہیں اور نہیں ہو تا ہے….حکومت فوج کے آگے بھیگی بلی بنی ہو ئی ہے اور…. اور فوج تو وہ…. وہ دوسرے ممالک کی افواج کے آگے دم دبا کر بھاگ جاتی ہے …. لیکن…. لیکن اپنے ملک ‘ اپنے ملک کے سیاستدانوں کو دبائے رکھتی ہے …. اتنا کہ وہ اس ملک کے سیاستدان فوج کی مرضی کے بغیر ایک سانس بھی نہیں لے سکتے ہیں…. بالکل بھی نہیں لے سکتے ہیں ….یوں تو فوج ملک کیلئے ہو تی ہے…. لیکن پاکستان میں ملک فوج کیلئے ہے اور….اور سو فیصد ہے ….ہمسایہ ملک کی فوج خود کو ملک کا مضبوط ترین ادارہ قرار دیتی ہے…. لیکن صاحب یقین کیجئے اور تاریخ بھی اس بات کی چغلی کھاتی ہے…. ۱۹۴۷ چغلی کھاتا ہے۱۹۶۵ چغلی کھاتا ہے…. ۱۹۷۱ چغلی کھاتا ہے…. ۱۹۹۱ چغلی کھاتا ہے…. ۷تا۱۰ مئی۲۰۲۵ چغلی کھاتا ہے ….کہ…. کہ اس جیسا کمزور ادارہ پاکستان کا کوئی نہیں ہے…. بالکل بھی نہیں ہے….نہیں صاحب کمزور یہ دوسرے کیلئے ہے‘ اپنوں کیلئے نہیں ….کہ مجال کہ پاکستان کا کوئی سیاستدان اپنے ملک کی فوج کے بارے میں ایسا ویسا کچھ کہے …. اس کےخلاف بات تو …. تو دور کی بات ہے‘ اس سے اختلاف رائے کرے تو…. تولوگوں میں بھلے ہی وہ منظور نظر اور مقبول نظر ہو …. لیکن فوج کیلئے اس کی اوقات کچھ نہیں ہے…. بالکل بھی نہیں ہے اور…. اور اس کا ٹھکانہ جیل کی سلاخیں ہو تی ہیں‘جیل کی دیواریں ہوتی ہیں…. گھر کی آرام دہ دیواریں نہیں…. بالکل بھی نہیں ۔ یقین نہ آئے تو خان صاحب…. عمران خان صاحب سے پوچھ لیجئے ۔ ہے نا؟
اونٹ رے اونٹ تیری….
