(ڈی آئی پی آر)
جموں؍۲۵مئی
جموں و کشمیر حکومت نے پیر کے روز محکمہ اطلاعات میں تعینات۱۷؍اِنچارج انفارمیشن آفیسرز اور اسسٹنٹ انفارمیشن آفیسرز کو مستقل کرتے ہوئے انہیں انفارمیشن آفیسر اور مساوی عہدوں پر ترقی دینے کے احکامات جاری کیے ہیں۔
محکمہ اطلاعات کی جانب سے جاری کردہ ایک سرکاری حکم نامے کے مطابق ترقی پانے والے افسران کو پے لیول-8 (47,600 تا1,51,100) میں رکھا گیا ہے۔
ترقی پانے والے افسران میں شوکت احمد خان، ریاض احمد فاضلی، پرشوتم داس، راجندر پال سنگھ، گلشن سمبریا، مجیب احمد گنائی، گلشن آراء، اشوک کمار شرما، سید غلام جیلانی قادری، شبیر احمد بٹ، گرپریت سنگھ، لیاقت علی میر، محمد اویس گورکو، نتیہ پال سنگھ، پرویز احمد لون، سجاد احمد شاہ اور ہردیپ سنگھ چودھری شامل ہیں۔
حکم نامے میں کہا گیا ہے کہ شوکت احمد خان، ریاض احمد فاضلی اور پرشوتم داس کی مستقلی۵ستمبر۲۰۱۸ سے مؤثر ہوگی، جبکہ دیگر افسران کی ترقی آئندہ تاریخ سے نافذ العمل ہوگی۔
حکومت نے مزید واضح کیا ہے کہ یہ ترقیاں مجاز عدالتوں میں زیرِ سماعت کسی بھی عرضی کے حتمی فیصلے سے مشروط ہوں گی۔ تمام افسران اگلے احکامات تک اپنی موجودہ تعیناتی کی جگہوں پر ہی خدمات انجام دیتے رہیں گے۔
