مودی نے نتن نبین کو دی سالگرہ کی مبارکباد

نئی دہلی، 23 مئی (یو این آئی) وزیر اعظم نریندر مودی نے ہفتہ کو بھارتیہ جنتا پارٹی (بی جے پی) کے قومی صدر نتن نبین کو سالگرہ کی دلی مبارکباد دی۔
مسٹر مودی نے مسٹر نبین کو ایک نوجوان اور متحرک رہنما” قرار دیا، جنہوں نے پورے ملک میں پارٹی تنظیم کو مضبوط کرنے اور اس کے کارکنوں کو بااختیار بنانے میں اہم کردار ادا کیا ہے۔ وزیر اعظم نے سوشل میڈیا پلیٹ فارم ‘ایکس’ پر پوسٹ کیے گئے ایک پیغام میں مسٹر نبین کے اندازِ قیادت، نئے خیالات پر مبنی نقطہ نظر اور عوامی خدمت کے تئیں ان کی لگن کی تعریف کی۔ انہوں نے کہا کہ ان کی کوششوں کی وجہ سے انہیں سیاسی اور تنظیمی شعبوں میں "بہت احترام” ملا ہے۔
انہوں نے اپنے پیغام میں کہا، "بی جے پی کے قومی صدر مسٹر نتن نبین جی کو سالگرہ کی دلی مبارکباد۔ ایک نوجوان اور متحرک رہنما کے طور پر انہوں نے تنظیم کو مضبوط کرنے اور ہمارے کارکنوں کو بااختیار بنانے کے لیے اپنا سب کچھ وقف کر دیا ہے۔” مسٹر مودی نے بی جے پی صدر کی تنظیمی سوجھ بوجھ اور انتظامی صلاحیتوں کو اجاگر کرتے ہوئے کہا کہ ان کی توانائی سے بھرپور قیادت نے پارٹی کی توسیع اور زمینی سطح تک رسائی بنانے میں اہم تعاون دیا ہے۔
انہوں نے کہا، "ان کے نئے خیالات پر مبنی نقطہ نظر، توانائی سے بھرپور قیادت اور تنظیمی کام و انتظامیہ دونوں کی گہری سمجھ نے انہیں ہر جگہ بہت احترام دلایا ہے۔” مسٹر مودی نے کہا کہ مسٹر نبین کا کام خدمت اور ملک کی تعمیر کے اصولوں کے تئیں ان کی "اٹوٹ لگن” کو ظاہر کرتا ہے۔ انہوں نے مسٹر نبین کے لیے ایک طویل اور صحت مند زندگی کی خواہش کی، جو ملک کی خدمت کےلیئے وقف ہو۔ وزیر اعظم نے کہا، "ملک کی مسلسل خدمت میں ان کی طویل اور صحت مند زندگی کے لیے دعا کرتا ہوں۔”
مسٹر نبین کو ملک بھر کے رہنماؤں اور پارٹی کارکنوں نے بھی سالگرہ کی مبارکباد دی۔