سرینگر؍۲۱مئی
جموں و کشمیر کے ضلع اننت ناگ کے پہلگام علاقے میں آسمانی بجلی گرنے کے باعث۶۰سے زائد مویشی ہلاک ہوگئے، حکام نے جمعرات کو بتایا۔
حکام کے مطابق بدھ اور جمعرات کی درمیانی شب شدید بارش اور گرج چمک کے دوران پہلگام کے لانی ڈگن علاقے میں آسمانی بجلی گری۔
اس واقعے میں۶۹سے زائد مویشی، جن میں بھیڑیں اور بکریاں شامل ہیں، ہلاک ہوگئے۔
ادھر سرینگر کے بُنڈ علاقے میں دریائے جہلم کے کنارے ایک ہاؤس بوٹ میں پانی داخل ہونے کے بعد وہ جزوی طور پر ڈوب گئی، جس کے بعد اسٹیٹ ڈیزاسٹر ریسپانس فورس اور ریور پولیس نے ریسکیو آپریشن شروع کیا۔
حکام نے بتایا کہ واقعے کے باعث ہاؤس بوٹ کے اندر پانی بھر گیا، جس سے وہ جزوی طور پر ڈوب گئی اور علاقے میں تشویش کی لہر دوڑ گئی۔
اطلاع ملتے ہی ایس ڈی آر ایف اور ریور پولیس کی ٹیمیں موقع پر پہنچ گئیں اور بچاؤ و انخلا کارروائیاں شروع کیں۔ریسکیو اہلکار ہاؤس بوٹ کے اندر داخل ہوئے اور بڑھتے ہوئے پانی کے درمیان سامان کو محفوظ مقامات پر منتقل کیا۔
آپریشن کا مقصد مزید نقصان کو روکنا اور ہاؤس بوٹ مالک کی منقولہ جائیداد کو محفوظ بنانا تھا۔حکام کے مطابق ریسکیو ٹیموں نے گھریلو سامان کو کامیابی سے محفوظ مقام پر منتقل کیا اور صورتحال کو قابو میں رکھا۔
۔۔۔۔۔۔
