صدر ٹرمپ دو روزہ دورہ مکمل کر کے بیجنگ سے روانہ

بیجنگ، 15 مئی (یواین آئی) امریکی صدر ڈونلڈ ٹرمپ چین کا دو روزہ دورہ مکمل کرنے کے بعد بیجنگ سے روانہ ہو گئے۔غیر ملکی میڈیا کے مطابق اپنے دورے کے دوران صدر ٹرمپ نے چینی صدر شی جن پنگ سمیت اعلیٰ حکام سے ملاقاتیں کیں۔
دونوں ممالک کے وفود کے درمیان مختلف سطحوں پر مذاکرات بھی ہوئے، جن میں اہم علاقائی اور اقتصادی امور پر تبادلہ خیال کیا گیا۔
رپورٹس کے مطابق مذاکرات میں کئی اہم فیصلے اور تجارتی مفاہمتیں بھی طے پائیں۔
دوسری جانب امریکی صدر ڈونلڈ ٹرمپ نے کہا کہ انہوں نے شی جن پنگ کے ساتھ ایران کے معاملے پر تفصیلی گفتگو کی۔
صدر ٹرمپ کے مطابق دونوں رہنما اس بات پر متفق ہیں کہ ایران کے پاس جوہری ہتھیار نہیں ہونے چاہئیں اور آبنائے ہرمز کھلی رہنی چاہیے۔
امریکی صدر نے مزید کہا کہ چین کے ساتھ ’’شاندار‘‘ تجارتی معاہدے بھی ہوئے ہیں، جو دونوں ممالک کے اقتصادی تعلقات کیلئے اہم پیش رفت ثابت ہوں گے۔