پلے آف کی منزل قریب، آر سی بی کا گجرات ٹائٹنز کو کھلا چیلنج

احمد آباد، 29 اپریل( یو این آئی) انڈین پریمیئر لیگ (آئی پی ایل) 2026 کے 42ویں میچ میں کل دفاعی چیمپیئن رائل چیلنجرز بنگلورو کا سامنا گجرات ٹائٹنز سے ہوگا۔ احمد آباد کے نریندر مودی اسٹیڈیم میں ہونے والے اس اہم مقابلے میں آر سی بی کی نظریں فتح حاصل کر کے پلے آف کی دوڑ میں اپنی پوزیشن مزید مستحکم کرنے پر ہوں گی۔
رائل چیلنجرز بنگلورو اس وقت زبردست فارم میں ہے اور پوائنٹس ٹیبل پر دوسرے نمبر پر براجمان ہے۔ اب تک کھیلے گئے 8 میچوں میں سے ٹیم نے 6 میں کامیابی حاصل کی ہے، جبکہ اس کا نیٹ رن ریٹ 1.919 ہے جو کہ انتہائی متاثر کن ہے۔ گزشتہ میچ میں دہلی کیپیٹلز کے خلاف یکطرفہ جیت نے ٹیم کے حوصلے بلند کر دیے ہیں، جہاں گیند بازوں نے حریف ٹیم کو محض 75 رنز پر ڈھیر کر دیا تھا۔
وراٹ کوہلی58.50 کی اوسط سے 351 رنز بنا کر بیٹنگ لائن کی ریڑھ کی ہڈی بنے ہوئے ہیں۔
جوش ہیزل ووڈ اور بھونیشور کمار گیند بازی میں اس جوڑی نے قہر برپا کر رکھا ہے۔ ہیزل ووڈ نے پچھلے میچ میں 12 رنز دے کر 4 وکٹیں حاصل کیں، جبکہ بھونیشور کمار اب تک ٹورنامنٹ میں 14 شکار کر چکے ہیں۔
دوسری جانب گجرات ٹائٹنز کی کارکردگی اس سیزن میں اب تک ملی جلی رہی ہے۔ 4 فتوحات اور 4 شکستوں کے ساتھ وہ پوائنٹس ٹیبل کے وسط میں جدوجہد کر رہی ہے۔ اگرچہ ٹیم نے چنئی سپر کنگز کے خلاف حالیہ میچ میں کامیابی حاصل کی ہے، لیکن ہوم گراؤنڈ پر ان کا ریکارڈ تشویشناک ہے۔ احمد آباد میں کھیلے گئے تین میچوں میں سے وہ صرف ایک جیت پائے ہیں۔
سائی سدرشن 46 گیندوں پر 87 رنز کی ناقابل شکست اننگز کھیل کر فارم میں واپسی کے اشارے دے چکے ہیں۔کگیسو ربادا 13 وکٹوں کے ساتھ گیند بازی کے شعبے میں ٹیم کی قیادت کر رہے ہیں۔شبھمن گل اور جوس بٹلر ٹاپ آرڈر میں رنز بنانے کا سلسلہ جاری رکھے ہوئے ہیں۔
احمد آباد کی پچ بلے بازوں کے لیے سازگار سمجھی جاتی ہے جہاں پہلی اننگز کا اوسط اسکور 180 کے قریب رہتا ہے۔ محکمہ موسمیات کے مطابق موسم صاف رہے گا، البتہ دوسری اننگز میں اوس میچ کے نتیجے پر اثر انداز ہو سکتی ہے۔
حالیہ فارم اور نفسیاتی برتری کو مدنظر رکھتے ہوئے ماہرین رائل چیلنجرز بنگلورو کو اس مقابلے کے لیے فیورٹ قرار دے رہے ہیں، تاہم گجرات ٹائٹنز اپنے ہوم گراؤنڈ پر کسی بھی وقت پلٹ وار کرنے کی صلاحیت رکھتی ہے۔پلے آف کی منزل قریب، آر سی بی کا گجرات ٹائٹنز کو کھلا چیلنج
احمد آباد، 29 اپریل( یو این آئی) انڈین پریمیئر لیگ (آئی پی ایل) 2026 کے 42ویں میچ میں کل دفاعی چیمپیئن رائل چیلنجرز بنگلورو کا سامنا گجرات ٹائٹنز سے ہوگا۔ احمد آباد کے نریندر مودی اسٹیڈیم میں ہونے والے اس اہم مقابلے میں آر سی بی کی نظریں فتح حاصل کر کے پلے آف کی دوڑ میں اپنی پوزیشن مزید مستحکم کرنے پر ہوں گی۔
رائل چیلنجرز بنگلورو اس وقت زبردست فارم میں ہے اور پوائنٹس ٹیبل پر دوسرے نمبر پر براجمان ہے۔ اب تک کھیلے گئے 8 میچوں میں سے ٹیم نے 6 میں کامیابی حاصل کی ہے، جبکہ اس کا نیٹ رن ریٹ 1.919 ہے جو کہ انتہائی متاثر کن ہے۔ گزشتہ میچ میں دہلی کیپیٹلز کے خلاف یکطرفہ جیت نے ٹیم کے حوصلے بلند کر دیے ہیں، جہاں گیند بازوں نے حریف ٹیم کو محض 75 رنز پر ڈھیر کر دیا تھا۔
وراٹ کوہلی58.50 کی اوسط سے 351 رنز بنا کر بیٹنگ لائن کی ریڑھ کی ہڈی بنے ہوئے ہیں۔
جوش ہیزل ووڈ اور بھونیشور کمار گیند بازی میں اس جوڑی نے قہر برپا کر رکھا ہے۔ ہیزل ووڈ نے پچھلے میچ میں 12 رنز دے کر 4 وکٹیں حاصل کیں، جبکہ بھونیشور کمار اب تک ٹورنامنٹ میں 14 شکار کر چکے ہیں۔
دوسری جانب گجرات ٹائٹنز کی کارکردگی اس سیزن میں اب تک ملی جلی رہی ہے۔ 4 فتوحات اور 4 شکستوں کے ساتھ وہ پوائنٹس ٹیبل کے وسط میں جدوجہد کر رہی ہے۔ اگرچہ ٹیم نے چنئی سپر کنگز کے خلاف حالیہ میچ میں کامیابی حاصل کی ہے، لیکن ہوم گراؤنڈ پر ان کا ریکارڈ تشویشناک ہے۔ احمد آباد میں کھیلے گئے تین میچوں میں سے وہ صرف ایک جیت پائے ہیں۔
سائی سدرشن 46 گیندوں پر 87 رنز کی ناقابل شکست اننگز کھیل کر فارم میں واپسی کے اشارے دے چکے ہیں۔کگیسو ربادا 13 وکٹوں کے ساتھ گیند بازی کے شعبے میں ٹیم کی قیادت کر رہے ہیں۔شبھمن گل اور جوس بٹلر ٹاپ آرڈر میں رنز بنانے کا سلسلہ جاری رکھے ہوئے ہیں۔
احمد آباد کی پچ بلے بازوں کے لیے سازگار سمجھی جاتی ہے جہاں پہلی اننگز کا اوسط اسکور 180 کے قریب رہتا ہے۔ محکمہ موسمیات کے مطابق موسم صاف رہے گا، البتہ دوسری اننگز میں اوس میچ کے نتیجے پر اثر انداز ہو سکتی ہے۔
حالیہ فارم اور نفسیاتی برتری کو مدنظر رکھتے ہوئے ماہرین رائل چیلنجرز بنگلورو کو اس مقابلے کے لیے فیورٹ قرار دے رہے ہیں، تاہم گجرات ٹائٹنز اپنے ہوم گراؤنڈ پر کسی بھی وقت پلٹ وار کرنے کی صلاحیت رکھتی ہے۔