کمبوج نے دوبارہ پرپل کیپ حاصل کر لی، سنجو سیمسن اورنج کیپ کی دوڑ میں تیسرے نمبر پر

ممبئی، 24 اپریل (یو این آئی) ممبئی انڈینز کے خلاف ناٹ آؤٹ 101 رنز کی شاندار سنچری بنانے والے چنئی سپر کنگز کے سلامی بلے باز سنجو سیمسن اورنج کیپ کی دوڑ میں تیسرے مقام پر پہنچ گئے ہیں، جبکہ ان کے ساتھی انشُل کمبوج نے ایک بار پھر پرپل کیپ پر قبضہ جما لیا ہے۔
سنجو سیمسن نے اس سیزن میں چار میں سے دو سنچریاں اسکور کی ہیں اور اب تک ان کے کھاتے میں 293 رن ہو چکے ہیں۔ سن رائزرز حیدرآباد کے ابھیشیک شرما (323 رنز) اور ہینرک کلاسین (320 رنز) بدستور پہلے اور دوسرے نمبر پر موجود ہیں۔
رائل چیلنجرز بنگلورو اور گجرات ٹائٹنز کے درمیان ہونے والے آئندہ میچ کے بعد اورنج کیپ کی فہرست میں مزید تبدیلی کا امکان ہے۔ 265 رنز کے ساتھ شبمن گل چوتھے نمبر پر ہیں، جبکہ وراٹ کوہلی 247 رنز کے ساتھ چھٹے اور رجت پاٹیدار 230 رنز کے ساتھ نویں مقام پر ہیں۔
پرپل کیپ کی بات کریں تو انشُل کمبوج نے 14 وکٹوں کے ساتھ دوبارہ سب سے زیادہ وکٹیں لینے والے گیندباز کا اعزاز حاصل کر لیا ہے۔ لکھنؤ سپر جائنٹس کے پرنس یادو 13 وکٹوں کے ساتھ دوسرے نمبر پر ہیں۔ سن رائزرز حیدرآباد کے ایشان ملنگا اور گجرات ٹائٹنز کے پرسدھ کرشنا کے نام 12، 12 وکٹیں ہیں، اور آئندہ میچز میں اس فہرست میں مزید رد و بدل متوقع ہے۔