سانبہ میں ایل او سی کے جنگلی علاقوں کا بڑے پیمانے پر سرچ آپریشن

جموں//
جموں کشمیر کے ضلع سانبہ میں پیرکے روز سیکورٹی فورسز نے لائن آف کنٹرول کے متصل جنگلی علاقوں کا بڑے پیمانے پر سرچ آپریشن لانچ کیا۔
دفاعی ذرائع نے بتایا کہ سانبہ کے مانگو چیک علاقے میں اتوار کے روز پاکستانی ڈرون کی نقل وحرکت کے بعد فوج، پولیس اور سی آر پی ایف نے مشترکہ طورپر جنگجو مخالف آپریشن شروع کیا جو پیر کے روز بھی جاری رہا۔
ان کے مطابق قصبے کو محفوظ رکھنے کیلئے جتنے بھی جنگل اور مضافاتی علاقے ہیں ان میں لگاتار آپریشنز کئے جاتے ہیں۔
ذرائع کا کہنا ہے کہ امکانی دراندازی کے پیش نظر سرحدی علاقوں میں پہلے ہی الرٹ جاری کیا گیا ہے ۔
ذرائع نے بتایا کہ سانبہ میں ایل او سی کے ساتھ لگنے والے علاقوں میں فوج نے گشت تیز کیا ہے ۔
بتادیں کہ سانبہ کے مانگو چیک علاقے میں مقامی لوگوں نے ہفتے اور اتوار کی درمیانی شب ایک پاکستانی ڈرون کو ہوا میں اڑتے ہوئے دیکھا ۔
اس واقعے کے بعد سیکورٹی فورسز نے اتوار اعلیٰ الصبح ہی علاقے میں سرچ آپریشن شروع کیا تاکہ یہ دیکھا جائے کہ کہیں ڈرون نے اس طرف کوئی مواد مت چھوڑاہے ۔
علاقے میں تلاشی آپریشن جاری ہے تاہم فی الوقت سیکورٹی فورسز کو کوئی بھی شئی ہاتھ نہیں آئی ہے ۔