سرینگر؍۱۶؍اپریل
جنوبی کشمیر کے ضلع پلوامہ کے لاسی پورہ علاقے میں تیز ہواؤں کے باعث زیرِ تعمیر کولڈ اسٹوریج یونٹ کا ڈھانچہ گرنے سے ایک شخص جاں بحق جبکہ چار دیگر زخمی ہو گئے، حکام نے جمعرات کو بتایا۔
ایک اہلکار کے مطابق تیز ہواؤں کی وجہ سے زیرِ تعمیر کولڈ اسٹوریج کا ٹرس گر گیا، جس کے نتیجے میں کم از کم پانچ افراد زخمی ہو گئے۔
انہوں نے بتایا کہ تمام زخمیوں کو اسپتال منتقل کیا گیا جہاں ایک شخص زخموں کی تاب نہ لاتے ہوئے دم توڑ گیا۔
جاں بحق ہونے والے کی شناخت سجاد احمد میر ساکن روحامہ، رفیع آباد کے طور پر ہوئی ہے، جبکہ زخمیوں میں جسپریت سنگھ (امرتسر)، اعجاز کمار اور ہلال احمد راتھر (بڈگام) اور نصیر احمد میر (بارہمولہ) شامل ہیں۔
