کرکٹ آسٹریلیا نے 27-2026ء کے سینٹرل کنٹریکٹس کا اعلان کیا، مرفی اور ڈاگٹ لسٹ میں سب سے آگے

ملبورن، یکم اپریل (یو این آئی) ہندوستان کی سرزمین پر بارڈر-گواسکر ٹرافی جیتنے کے ہدف کے ساتھ، آسٹریلیا نے 2026-27 کے لیے 21 رکنی سینٹرل کنٹریکٹ لسٹ میں آف اسپنر ٹوڈ مرفی کو شامل کیا ہے اور میتھیو کونی مین کو برقرار رکھا گیا ہے۔ سلیکٹرز نے اسپن کے شعبے کو مضبوط کرنے پر زور دیا ہے، کیونکہ 38 سالہ ناتھن لیون گزشتہ سال گھریلو ایشیز کے دوران ہونے والی ہیمسٹرنگ سرجری سے صحت یاب ہو کر واپسی کر رہے ہیں۔
تیز گیند باز برینڈن ڈاگٹ کو اپنا پہلا مکمل کنٹریکٹ ملا ہے، جبکہ اوپننگ بلے باز جیک ویدرلڈ نے گزشتہ موسمِ گرما میں ملنے والی اپنی اپ گریڈ شدہ ڈیل کو برقرار رکھا ہے۔ ڈومیسٹک سیزن میں شاندار کارکردگی کے بعد مائیکل نیسر بھی اس لسٹ میں واپس آ گئے ہیں۔ گزشتہ سائیکل سے باہر ہونے والے کھلاڑیوں میں عثمان خواجہ (ریٹائرڈ)، سیم کونسٹاس، گلین میکسویل، لانس مورس، جھائی رچرڈسن اور میٹ شارٹ شامل ہیں۔
زیویئر بارٹلیٹ، اسکاٹ بولینڈ، الیکس کیری، پیٹ کمنز، برینڈن ڈاگٹ، ناتھن ایلس، کیمرون گرین، جوش ہیزل ووڈ، ٹریوس ہیڈ، جوش انگلیس، میتھیو کونی مین، مارنس لیبوشین، ناتھن لیون، مچل مارش، ٹوڈ مرفی، مائیکل نیسر، اسٹیو اسمتھ، مچل اسٹارک، جیک ویدرلڈ، بو ویبسٹر، ایڈم زمپا۔
آسٹریلیا کا آنے والا شیڈول کافی مصروف ہے۔ ٹیم اگلے سال 15 ٹیسٹ میچ کھیلے گی جس میں بنگلہ دیش کے خلاف دو گھریلو میچ، جنوبی افریقہ میں تین، نیوزی لینڈ کے خلاف چار گھریلو ٹیسٹ اور ہندوستان کا پانچ ٹیسٹ میچوں کا دورہ شامل ہے۔ اس کے علاوہ ایم سی جی میں 150 ویں سالگرہ کا ایک خصوصی میچ، ورلڈ ٹیسٹ چیمپئن شپ کا فائنل اور پھر 2027 کے وسط میں پانچ ٹیسٹ میچوں کا ایشیز دورہ بھی شیڈول کا حصہ ہے۔
قومی سلیکٹرز کے چیئرمین جارج بیلی نے کہا کہ کنٹریکٹ لسٹ کا مقصد کھلاڑیوں کی کارکردگی کا اعتراف کرنا اور آنے والے مصروف شیڈول کے درمیان توازن برقرار رکھنا ہے۔ انہوں نے کہا کہ اگلے 12 مہینوں میں مختلف حالات اور چیلنجز کے درمیان ٹیسٹ میچوں کا بوجھ زیادہ ہے، اسی لیے اس بار ٹیسٹ اور ملٹی فارمیٹ کھلاڑیوں کو زیادہ اہمیت دی گئی ہے۔ بیلی نے مزید کہا کہ کنٹریکٹ لسٹ سے باہر کے کھلاڑیوں کی بھی ضرورت پڑتی رہے گی اور وہ بین الاقوامی میچوں میں باقاعدگی سے کھیل کر اپنی کنٹریکٹ کی حیثیت (اپ گریڈ) کو بہتر بنا سکتے ہیں۔
کرکٹ آسٹریلیا کے مطابق اس بار سینٹرل کنٹریکٹس 23 کے بجائے 21 کھلاڑیوں کو دیے گئے ہیں، جبکہ کچھ بڑے ناموں کو فہرست سے خارج کر دیا گیا ہے۔
آسٹریلین کرکٹرز ایسوسی ایشن کے ساتھ معاہدے کے مطابق ابتدائی طور پر 20 سے 24 کھلاڑی سینٹرل کنٹریکٹ کے اہل ہوتے ہیں۔
کنٹریکٹ حاصل کرنے والے کھلاڑیوں میں ایڈم زمپا، مارنس لبوشنگے، کیمرون گرین اور پیٹ کمنز شامل ہیں۔
اس کے علاوہ اسٹیو اسمتھ، نیتھن لیون، مچل اسٹارک، جوش ہیزل ووڈ اور جیک ویدرآلڈ کو بھی سینٹرل کنٹریکٹس دیے گئے ہیں۔
دوسری جانب گلین میکسویل، جھے رچرڈسن، میتھیو شارٹ، عثمان خواجہ اور سیم کونسٹاس کو کنٹریکٹس میں شامل نہیں کیا گیا، جبکہ عثمان خواجہ ریٹائر بھی ہو چکے ہیں۔
واضح رہے کہ آسٹریلوی ٹیم آئندہ 12 ماہ کے دوران 15 ٹیسٹ میچز کھیلے گی۔