ریکھا گپتا نے شمال مشرق کی متاثرہ لڑکیوں سے ملاقات کی

نئی دہلی، 25 فروری (یو این آئی) دہلی کی وزیر اعلیٰ ریکھا گپتا نے جنوبی دہلی کے مالویہ نگر میں بدسلوکی کی متاثرہ لڑکیوں سے ملاقات کی اور انہیں مکمل تعاون کا یقین دلایا۔
محترمہ ریکھا گپتا نے آج سوشل میڈیا پلیٹ فارم ایکس پر یہ معلومات شیئر کرتے ہوئے کہا، "آج میں نے شمال مشرق سے تعلق رکھنے والی نوجوان لڑکیوں سے ملاقات کی جو دہلی کے حالیہ المناک واقعے سے متاثر ہوئی ہیں۔ وہ حوصلہ مند اور امید افزا ہیں۔ میں نے انہیں اس مشکل وقت میں مکمل تعاون کا یقین دلایا ہے۔”
انہوں نے کہا، "میں یہ واضح کرنا چاہتی ہوں کہ دہلی رنگارنگی، وقار اور باہمی احترام کا شہر ہے۔ اس واقعے میں ملوث افراد کے خلاف سخت ترین کارروائی کی جائے گی۔ دہلی میں نفرت، امتیازی سلوک، دھمکی یا نسل پرستی کے لیے قطعی طور پر کوئی جگہ نہیں ہے۔ اس طرح کا سلوک ناقابل قبول ہے اور اسے کسی بھی حالت میں برداشت نہیں کیا جائے گا۔”
وزیر اعلیٰ نے کہا، "سب لوگوں سے میری گزارش ہے کہ اس حساس معاملے پر سیاست نہ کریں۔ ہمارے نوجوان طلبہ کا وقار، تحفظ اور مستقبل سب سے اہم ہونا چاہیے۔” میں تمام متعلقہ افراد سے بھی درخواست کرتی ہوں کہ وہ نوجوان طلبہ اور ان کے اہل خانہ کی رازداری کا احترام کریں۔ ہمیں ان کو وہ مدد اور یقین دہانی کرنی چاہیے جس کی انہیں اس وقت ضرورت ہے۔”
واضح رہے کہ جنوبی دہلی کے مالویہ نگر میں اروناچل پردیش کی تین لڑکیوں کو ان کے پڑوس میں رہنے والے لوگوں نے معمولی جھگڑے پر بدسلوکی اور نسلی زیادتی کا نشانہ بنایا تھا۔