تہران میں یکم رمضان کو محفل قرآن کے اجتماع میں خامنہ ای کی شرکت

تہران /20فروری //
ایران کے رہبرِ اعلیٰ آیت اللہ علی خامنہ ای نے گزشتہ شب تہران میں محفل قرآن میں شرکت کی ہے۔
اطلاعات کے مطابق قرآن سنانے کے جس اجتماع میں رہبرِ اعلیٰ آیت اللہ علی خامنہ ای نے شرکت کی وہ ’امام خمینی حسینیہ‘ میں منعقد کیا گیا تھا، یہ وہ مقام ہے کہ جو مذہبی اجتماعات کے لیے جانا جاتا ہے۔
خامنہ ای ایرانی عوام کے سامنے اب ایک مرتبہ پھر ایسے وقت میں آئے ہیں کہ جب انھوں نے حال ہی میں امریکہ کے ایران پر مُمکنہ حملے اور عسکری تیاریوں کے حوالے سے سخت الفاظ کا استعمال کرتے ہوئے سنگین نتائج کی وارننگ دی تھی۔
ایکس پر ایران کے رہبرِ اعلیٰ آیت اللہ علی خامنہ ای کے حامیوں نے اُن کی عوامی اجتماع میں شمولیت کو ’باعثِ راحت اور سکون‘ قرار دیا۔ ایک صارف نے کہا کہ ’وہ امریکہ کے ساتھ جاری ’نفسیاتی جنگ‘ کے دوران عوام میں اعتماد پیدا کرنے اور اُن کا حوصلہ بڑھانے کے لیے سامنے آئے ہیں۔‘
تاہم کُچھ دیگر لوگوں نے ایکس پر ان کی ’ہمت اور حوصلے‘ کی تعریف کی کہ انھوں نے امریکی خطرات کے باوجود براہِ راست محفل قرآن میں شرکت کی۔