آلودگی کے معاملے پر دہلی اسمبلی میں اے اے پی کا ہنگامہ

نئی دہلی، 9 جنوری (یواین آئی) عام آدمی پارٹی (اے اے پی) کے ارکان نے آلودگی پر ہنگامہ کرنے کے بعد جمعہ کو دہلی اسمبلی سے واک آؤٹ کیا۔
سرمائی اجلاس کے پانچویں اور آخری دن، اے اے پی ارکان نے آلودگی کے مسئلہ پر ہنگامہ کرنے کے بعد واک آؤٹ کیا۔ اسپیکر وجیندر گپتا نے اے اے پی کے رکن سنجیو جھا کو ان کے ایک تبصرہ کے لیے مارشلوں کے ذریعہ باہر نکلوادیا اور انہیں پورے دن کی کارروائی کے لئے معطل کردیا۔
جیسے ہی صبح 11 بجے کارروائی شروع ہوئی، اے اے پی اراکین نے آلودگی کے مسئلہ پر بحث کا مطالبہ کرتے ہوئے ہنگامہ شروع کردیا۔ اس پر مسٹر گپتا نے بتایا کہ آج آلودگی پر بحچ کی جائے گی، لیکن کچھ اہم کام پہلے مکمل ہوں گے ، اس پر اے اے پی کے ارکان خاموش نہیں ہوئے اور ہنگامہ آرائی جاری رکھی۔
مسٹر گپتا نے اے اے پی کے ارکان سے بار بار پرسکون رہنے کی اپیل کی، لیکن انہوں نے ان کی درخواستوں کو نظر انداز کردیا۔ دریں اثنا، بھارتیہ جنتا پارٹی کے رکن ستیش اپادھیائے نے مسٹر جھا کے خلاف اسپیکر کے پاس اعتراض درج کرایا، اور الزام لگایا کہ مسٹر جھا نے ان کے خلاف قابل اعتراض الفاظ کا استعمال کیا ہے اور کہا ہے کہ وہ ایوان کو غنڈہ گردی سے چلا رہے ہیں۔ اسپیکر کو ایسے تبصروں کا نوٹس لینا چاہیے ۔ اس کے بعد مسٹر گپتا نے مسٹر جھا کو مارشلوں کے ذریعے ایوان سے باہر نکلوادیا اور انہیں پورے دن کی کارروائی کے لیے معطل کر دیا۔