ملک میں کوروناوائرس کے مزید 2539 نئے کیسز، 60 مریضوں کی مو ت

نئی دہلی// ملک میں کورونا وائرس کی وبا کے کیسز میں مسلسل کمی کے درمیان گزشتہ 24 گھنٹوں میں دو ہزار 539 نئے کیسز سامنے آئے ہیں، جب کہ اس دوران 60 مریضوں کی موت ہوئی ہے۔
مرکزی وزارت صحت و خاندانی بہبود نے جمعرات کو یہاں بتایا کہ آج صبح 7 بجے تک 180 کروڑ 80 لاکھ 24 ہزار 147 کووڈ ویکسین دی گئی ہیں۔وزارت کے مطابق گزشتہ 24 گھنٹوں میں کووڈ انفیکشن کے دو ہزار 539 نئے مریض سامنے آئے ہیں۔ اس کے ساتھ ہی ملک میں کورونا کے مریضوں کی تعداد 30 ہزار 799 ہو گئی ہے۔ یہ متاثرہ کیسز کا 0.07 فیصد ہے۔ روزانہ انفیکشن کی شرح 0.35 فیصد تک پہنچ گئی ہے۔اسی مدت میں چار ہزار 491 لوگوں کو کووڈ سے پاک کیا گیا ہے۔ اب تک کل چار کروڑ 24 لاکھ 54 ہزار 546 لوگ کووڈ سے صحت یاب ہو چکے ہیں۔ شفایابی کی شرح 98.73 فیصد ہے۔گزشتہ 24 گھنٹوں میں ملک میں 7 لاکھ 17 ہزار 330 کووڈ ٹیسٹ کیے گئے ہیں۔ ملک میں اب تک کل 78 کروڑ 12 لاکھ 24 ہزار 304 کووڈ ٹیسٹ کیے جا چکے ہیں۔ گزشتہ 24 گھنٹوں کے دوران کووڈ-19 سے 60 مریضوں کی موت ہوئی ہے اور شرح اموات 1.20 فیصد ہے۔
ُ(یواین آئی)