اسرائیلی فوج نے غزہ میں جنگی جرائم کا ارتکاب کیا،شواہد موجود ہیں: انتونیو گوتریس

لندن،5 دسمبر (یو این آئی) اقوام متحدہ کے سکریٹری جنرل انتونیو گوتریس نے کہا ہے کہ شواہد موجود ہیں کہ اسرائیلی فوج نے غزہ میں جنگی جرائم کا ارتکاب کیا ہے ۔
اقوام متحدہ کے سکریٹری جنرل انتونیو گوٹریس نے نیویارک میں ریوٹرز نیکسٹ کانفرنس کے دوران ایک انٹرویو میں اسرائیلی فوج کی غزہ میں فوجی کارروائیوں پر شدید تنقید کی۔
برطانوی میڈیا کو انٹرویو میں اقوام متحدہ کے سیکرٹری جنرل انتونیو گوتریس نے غزہ میں جاری اسرائیلی فوجی کارروائیوں کو بنیادی طور پر غلط قرار دے دیا اور کہا کہ غزہ میں شہریوں کو مارا گیا۔
انہوں نے کہا کہ غزہ میں آپریشن حماس کے خاتمے کے لیے شروع کیا گیا لیکن غزہ کو تباہ کردیا گیا، اسرائیل کی فوجی کارروائی میں عام شہریوں کی ہلاکتوں اور تباہی کو مکمل طور پر نظرانداز کیا گیا۔
اقوام متحدہ کے سیکرٹری جنرل کا کہنا ہے کہ اسرائیل کی جانب سے غزہ میں ان کارروائیوں سے صاف ظاہر ہوتا ہے کہ اسرائیلی فوجی کارروائی کے طریقہ کار میں خرابی ہے اور ایسے شواہد موجود ہیں اور یقین کیا جاسکتا ہے کہ اسرائیلی فوج نے غزہ میں جنگی جرائم کا ارتکاب کیا۔