جموں/ ۵ دسمبر
جموں و کشمیر حکومت نے چھے جے کے اے ایس افسران کو انتظامی خدمات کے اگلے گریڈز اور پیمانوں میں ترقی دینے کا حکم جاری کیا ہے۔
جنرل ایڈمنسٹریشن ڈیپارٹمنٹ کے ایک حکم کے مطابق، شوبرا شرما کو سپر ٹائم اسکیل (لیول ۱۴) میں ترقی دی گئی ہے۔
ایک علیحدہ حکم میں، شبیر احمد رینہ، جہانگیر ہاشمی اور ویبھو کوہلی کو اسپیشل اسکیل (لیول ۱۳) میں ترقی دی گئی ہے، جس میں ویبھو کوہلی کو لیفٹیننٹ گورنر سیکریٹریٹ میں اسپیشل سیکرٹری نامزد کیا گیا ہے، جبکہ دیگر افسران اپنی موجودہ تعیناتیوں پر برقرار رہیں گے۔
ایک اور حکم میں عبدالقیوم اور شیبہ عنایت کو سلیکشن گریڈ (لیول۱۲) میں اپ گریڈ کیا گیا ہے، جس میں عبدالقیوم کو متعلقہ محکمے میں ایڈیشنل سیکرٹری تعینات کیا گیا ہے اور شیبہ عنایت اپنی موجودہ پوسٹنگ پر برقرار رہیں گی۔
