ہم بھی کتنے ناداں ہیں جو ہم اس بات پر یقین کر بےٹھے تھے کہ اپنے وزیر اعظم‘ مودی جی نے جو کہا بس اب وہی ہو گا…. اس سے کم اور نہ زیادہ کہ کسی میں اتنی ہمت نہیں ہے…. بالکل بھی نہیں ہے کہ وہ مودی جی کے حکم کی خلاف ورزی کرے…. سو ہم یقین کر چلے تھے اب پارلیمنٹ میں کوئی شو ر شرابہ ‘ کوئی ہنگامہ اور کوئی ڈراما نہیں ہو گا…. کیوں کہ وزیر اعظم نے اپو زیشن سے کہاتھا…. اصل میں کہا نہیں بلکہ حکم دیا تھا کہ وہ ساری ڈرامے بازی بند کرے اور…. اور کام پر لگ جائے…. مودی جی نے ساتھ ہی اپوزیشن کو ہار…. یا مسلسل شکستوں کو بھلا کر آگے بڑھنے کا ایک مشورہ دیا تھا…. سو ہمیں لگا تھا کہ اب پارلیمنٹ میں شور شرابہ ہو گا نہ کوئی ڈراما…. لیکن…. لیکن ہم سچ میں بدھو تھے اور ہاں احمق بھی کہ…. کہ اگر اگر پارلیمنٹ میں ڈراما نہیں ہو گا تو…. تو ہمیں پارلیمنٹ کے اجلاسوں کو دیکھنے میں کیا بھلا کوئی دلچسپی رہے گی…. ہم تو پھر بورےت کا شکار ہو جائیں گے…. بوریت کا شکار ہو جاتے …. لیکن…. لیکن اللہ میاں کا شکر ہے کہ اپوزیشن نے ہمت کرکے وزیر اعظم کی باتوں کو اَن سنا کردیا…. ان کی حکم عدولی کی اور….اور پارلیمنٹ میں خوب شور شرانہ کیا اور…. اور یاں ڈراما بھی …. ڈراما اتنا زبر دست تھا کہ منگل کو پارلیمنٹ کی کارروائی میں بار بار خلل کے بعد اسے فل ڈے …. پورے دن کیلئے ملتوی کرنا پڑ ا…. لیکن ملتوی ہونے سے پہلے جو ڈراما کیا گیا ….اسے دیکھنے میں الگ ہی لطف آیا …. امید ہے کہ وزیر اعظم صاحب ہماری اس بات کا برا نہیں مانےں گے…. لیکن…. لیکن لوگوں کو اب عادت سی ہو گئی ہے…. جب جب پارلیمنٹ یا کسی اسمبلی کا اجلاس ہو تا ہے…. ان کو ڈراما دیکھنے کی عادت سی ہو گئی ہے…. اگر کبھی کسی دن کوئی ڈراما نہیں ہو تا ہے تو…. تو یہ ان کی توقعات کے بر عکس ہو تا ہے…. ان کی امیدوں کے خلاف بھی۔ ہم تو صاحب یہی امید کر یں گے کہ سیاستدان …. چاہیں وہ اسمبلی میں بیٹھےں ہوں یا پھر پارلیمنٹ میں…. ان سے یہی امید ہے کہ وہ لوگوں کی امیدوں پر کھرا اتریں گے اور…. اور وہ کریں گے جو لوگوں کی ان سے کرنے کی توقع ہے…. یعنی شور شرابہ ‘ ہنگامہ آرائی اور…. اور ہاں ڈراما بھی …. کہ…. کہ اب ان سب باتوں کی ہی تو لوگوں کو اپنے چنے ہو ئے نمائندوں سے توقع ہے ۔ ہے نا؟
‘’’’’’’
