یشونت سنہا ۹ جولائی کو وادی کے دورے پر آ رہے ہیں

سرینگر/
حزب اختلاف جماعتوں کے مشترکہ صدارتی امیدوار یشونت سنہا سیاسی جماعتوں کی حمایت حاصل کرنے کیلئے۹ جولائی کو جموں و کشمیر کا دورہ کر رہے ہیں۔
ذرائع کے مطابق سنہا نیشنل کانفرنس سمیت مختلف سیاسی جماعتوں کے لیڈران سے ملاقات کرکے ان کی حمایت حاصل کرنے کی غرض سے جموں و کشمیر کے دورے پر آ رہے ہیں۔
قابل ذکر ہے کہ صدر ہند کے عہدے کے لیے حزب اختلاف جماعتوں نے مشترکہ طور یشونت سنہا کا نام تجویز کیا ہے۔ سیاسی جماعتوں کی حمایت حاصل کرنے کے لیے یشونت سنہا مختلف ریاستوں کا دورہ کر رہے ہیں۔
صدر ہند کے عہدے کے لیے سبھی ریاستوں کے اراکین اسمبلی و رکن پارلیمان ووٹ دینے کے اہل ہیں۔ تاہم اس وقت جموں و کشمیر میں اسمبلی نہ ہونے کے سبب صرف ممبر پارلیمنٹ ہی ووٹ دینے کے اہل ہیں۔
جموں و کشمیر میں نیشنل کانفرنس کے تین اور بھارتیہ جنتا پارٹی کے دو اراکین اسمبلی صدارتی الیکشن میں ووٹ کے اہل ہیں۔